Кадамжайда мас абалда 3 адамды сүзгөн жактоочу бир айга камакка алынды

Баткен облусуна караштуу Кадамжай районунда дөңгөлөк алмаштырып жаткан 3 жаранды сүзүп кеткен жактоочу бир айга камакка алынды. Бул тууралуу SUPER.KG порталына Баткен облустук сотунун басма сөз кызматынан билдиришти.

Маалыматка ылайык, Н.А. аттуу жактоочу бир айга убактылуу кармоочу жайга киргизилди.

Ушул жылдын 22-апрель күнү болжол менен саат 21:00 чамасында Баткен облусуна караштуу Кадамжай-Айдаркен унаа жолунда Хонда-CRV унаасы Айдаркен шаарынан Кадамжайга бара жатып, дөңгөлөк алмаштырып жаткан 3 жаранды сүзүп кеткен. Натыйжада Кадамжай районунун Жийделик айылынын тургуну 1993-жылы туулган Нурсултан Бөрүбаев окуя болгон жерден каза болгон. Ал эми П.Д. жана К.М. аттуу жарандар аймактык ооруканага жеткирилген.

Ал эми унааны 1978-жылы туулган айдоочу Н.А. башкарып келе жаткан. Ал жол кырсыкка кабылганда мас абалда экени аныкталган. Бул факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынган. Маалымат облустук жол кыймылынын коопсуздугун камсыздоо бөлүмүнөн тастыкталды.

Айдоочунун баш коргоо чарасын Кадамжай райондук соту 25-апрель күнү карап чыгып, үй камагына чыгарган.

SUPER.KG порталына маркум Нурсултан Бөрүбаевдин жакын досу Эламан Курбаналиевге кайрылып, маркум үйдүн жалгыз уулу экенин артында 2 баласы калганын жактоочу мыйзам чегинде жоопкерчиликке тартылуусун талап кылып жатканын билдирген.

Автор: Айсалкын Качкынбекова

10:10 19-05-2020

Жазылуу

РУБРИКАДАГЫ СОҢКУ КАБАРЛАР

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 1115 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 1559 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 687 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 638 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 953 0

14:31 2025-06-08 | Түркүн дүйнө

Футбол жылдызы Неймар коронавируска чалдыкты 587 0

Архив

Комментарийлер (4)

taalay25

2020-05-19 10:41:43

Мурда уй камагына чыгарып жиберген сотту да жоопкерчилиги каралсын

Altyn10076

2020-05-19 13:10:27

Эмне үчүн үй камагына. Акчасы көп бекен.

nelli

2020-05-19 19:29:29

Сот Тажибаев Ильяз жана айыпталуучу, адвокат Алтынбек Нарматов экоо тууган, бололор деп айтылып журот башка сайттарда.

Arstan18.18

2020-05-20 02:41:54

Ужас адам болгулачы!ал силердин ишинер адилеттуу болгула! Бизде сот прокурор каалагандай иш кылат адвокат мн сотко кошо иш ачыш кк! Досу молодец эркек экен! Аягына чыксын

Комментарий калтыруу үчүн өз ысымыңыз менен кириңиз же каттоодон өтүңүз.