Күйөөсү уктап жаткан аялына кобраны коё берип, аялын өлтүрдү

Индияда күйөөсү уктап жаткан аялына кобраны коё берип, аялын өлтүргөн. Бул тууралуу чет элдик басылмалар жазып чыгышты.

Индиялык 27 жаштагы Сураж аттуу мырза эки ирет аялын өлтүрүүгө аракет кылган. Биринчи жолу 2-мартта аялынын уктоочу бөлмөсүнө 5 миң рупийге сатып алган уулуу кара чаар жыланды коё берген. Жылан чагып, анын кесепетинен 25 жаштагы жубайы Утра эки айдай ооруканада дарыланган. Андан соң аны төркүнүнө алып келип, жакындары карап жатышкан. 7-май күнү жубайынын жанында калган Сураж аялы уктап жатканда кобраны коё берген. Бул ирет Утранын өмүрүн сактап кала алышкан эмес.

"Сураж Утранын бөлмөсүндө эч нерсе болбогондой калган. Утранын апасы кызын көрүп кыйкырып киргенде гана ойгонгон. Утраны тез арада ооруканага жеткиришкен, бирок дарыгерлер анын көз жумганын аныкташкан", - деп жазылат полициянын билдирүүсүндө. Утраны алып кетишкенде кобраны таап, өлтүрүшкөн.

Утра каза болгондон бир нече күн өткөндө Сураж анын байлыгын ээлеп калуунун аракетин көргөн. Ошондо гана кыздын ата-энеси күйөөсүнөн шекшип башташат. Тергөөчүлөр Сураждын жыландын ээси менен бир нече ирет байланышканын жана интернеттен жыланды изилдеген видеолорду көргөнүн аныкташкан.

Маалыматка караганда, Утра колунда бар үй-бүлөнүн кызы болгон, ал эми Сураж банкта иштеген катардагы кызматкер, акчага муктаж болгон. Полициянын берген маалыматына ылайык, нике катталып жатканда Суражга 100 чакты алтын тыйын, жаңы автоунаа жана жарым миллион рупий (азыркы курс менен болжолдуу 489 миң 813 сом) белек кылышкан. "Ал ажырашып кетсе, ага берилген септи кайтарып берүүгө туура келет деп ойлогон. Ошол себептен жубайынын көзүн тазалоону чечкен", - дейт полиция кызматынын өкүлү.

Учурда Сураж камакка алынып, тергөө иштери жүргүзүлүп жатканы айтылат.

15:54 27-05-2020

Автор: Гүлжамал Абылкасымова

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 372 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 787 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 644 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 620 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 486 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 966 0

Архив

Комментарийлер (9)

JaneEr

2020-05-27 16:41:14

Киного индийский озунчо эле))

+13

talaa11

2020-05-27 19:16:10

Ушул кантип озун эркекмин дейт экен акмак десе аялынын аркасына жашынып мансапка жетейин деген экенда

algakaray

2020-05-27 20:39:27

Ошо эле жылаанга кайра озун чактырат элем мен. Адам эмес экен да. Байкуш айалына эле жаман болду.

sirenaaaaa

2020-05-27 21:56:32

Адамдар акча десе эмнелерди гана кылып жатат тообо

Bekish_94

2020-05-27 22:57:33

Ак үйгө койо берүү керек экен ошол жыландарды.

Supsuluu

2020-05-28 04:02:43

Bekish_94, алар жыланды деле оной эле жиликтеп жеп койушат. Же жиликтегенден да зээригип бутун бойдон жутушат.

Mister-X

2020-05-27 23:56:20

Жажда мести- деген кинодо байлыгын алып калуу учун крокодилге туртуп жиберет го.Ошондой болуптур да.

ika8086

2020-05-28 03:14:11

Аманатка кыянат болуп,андан коро ажырашып кетсе болмок,аялдын жанын кыйнап жыланга чактырбай.Эми озун жылан чакмайынча аялынын кыйналып олгонун,башынан откормойунчо жерде орун жок шакалга

Gulzina1993

2020-05-28 16:05:48

Шумдугун кургур......

Комментарий калтыруу үчүн өз ысымыңыз менен кириңиз же каттоодон өтүңүз.