"20 миллион сом зыян". Финпол Бишкек-Ош унаа жолу мамлекеттик дирекциясынын жооптуу кызматкерлерин кармады

Экономикалык кылмыштарга каршы күрөшүү кызматы аныкталган коррупциялык схеманын негизинде Транспорт жана жолдор министрлигинин структуралык бөлүмдөрүнүн жоопкерчиликтүү 12 кызматкерин кармады. Бул тууралуу Финполдун маалымат кызматынан кабарлашты.

Ага ылайык, кармалгандардын арасында Бишкек-Ош унаа жолу мамлекеттик дирекциясынын башчысы Ж.Б., "Сосновка" тоннелдик постунун башчысы Ж.К. жана Кара-Көл тоннелдик постунун башчысы К.С. дагы бар. Аларды Финполиция кечээ, 10-июнда кармаган.

"Жалпысынын министрликтин бөлүмдөрүндөгү жоопкерчиликтүү кызматтарда иштеген 12 кызматкер кармалды. Алдын ала эсеп боюнча келтирилген чыгым 20 миллион сомду түзөт.

Азыркы учурда тергөөнүн алкагында бул коррупциялык схемага аталган министрликтин жогорку кызматта тургандарынын тиешеси бар же жок экендиги териштирилүүдө. Ошондой эле ага жергиликтүү башкармалыктардын жана башка түзүмдөрдүн кызматкерлеринин катыштыгы бар же жок экендиги аныкталат", - деп жазылат маалыматта.

Автор: Кызжибек Раимова

15:14 11-06-2020

Жазылуу

РУБРИКАДАГЫ СОҢКУ КАБАРЛАР

17:23 2025-06-08 | Түркүн дүйнө

UFC чемпиону Двалишвили Трамптын алдына чөгөлөдү (видео) 359 0

16:10 2025-06-08 | Түркүн дүйнө

Журналисттерге Украина аскерлеринин сөөктөрү көрсөтүлдү (видео) 925 0

15:45 2025-06-08 | Коом жана турмуш

Белгилүү фотограф Эржан Кадырбеков уулдуу болду 458 0

15:30 2025-06-08 | Коом жана турмуш

Кара-Сууда асфальт жана бетон өндүрүүчү ири завод ишке кирди (видео) 455 0

15:05 2025-06-08 | Түркүн дүйнө

Индияда дүйнөдөгү эң бийик темир жол көпүрөсү ишке киргизилди (видео) 725 0

14:31 2025-06-08 | Түркүн дүйнө

Футбол жылдызы Неймар коронавируска чалдыкты 480 0

Архив

Комментарийлер (2)

Krai

2020-06-11 15:54:23

Кармап жатканынар эң жакшы жегендерин 2 эселеп кустуруш керек. Бирок кармалды,деп эле жыйынтыгы жок болуп жаткандай. Менин жеке пикиримде, камабастан ар бир кармалган чиновникти 2 эселетип төлөтүп,анан өмүр бою мамлекеттик кызматта иштетпеш керек, деген ойдомун. Ошондо 100000 жегендер 200000 төлөшөт 200000 жегендер 400000 толошсо сырткы карыздан кутулганга чооң жеңилдик болоор беле. Камап аларды багып, мамлекет расход кылбастан пайда жагына иштешсе дээр элем

shejol

2020-06-11 22:29:44

20-жылдан бери эми байкап калышкан го,ар жылга миллиондон бөлүштүрүп коюшкан турбайбы.миллардаган акчалар жок болбодубу....

Комментарий калтыруу үчүн өз ысымыңыз менен кириңиз же каттоодон өтүңүз.