Ош шаарында түндө турак үйдөн өрт чыкты

Ош шаарында түн ичинде турак үйдөн чыккан өрт толугу менен өчүрүлдү. Бактыга жараша, кырсыктан жабыркагандар жок деп билдиришти ӨКМнын маалымат кызматынан.

Маалым болгондой, өрт 14-июнга караган түнү саат 00:43 чамасында Курманжан Датка көчөсүндө жайгашкан үйдөн чыккан.

"Өрттүн кесепетинен үйдүн жалпы 126 чарчы метр аянты күйгөн. Адам өмүрүнө зыян келтирилген жок.
Өрттү өчүрүүгө 4 бөлүм жана Ош шаардык башкармалыктын ыкчам тобу тартылган. Мындан сырткары ИИМден, шаардык газ кызматынан бригада тартылган.

Тартылган күчтөрдүн жардамы менен өрт саат 01:20да чектөөгө алынып, саат 03:07де толук өчүрүлдү. Келтирилген материалдык чыгымдар жана өрттүн келип чыгуу себеби такталууда", - дешти мекеменин маалымат кызматынан.

Автор: Бактыгүл Момбекова