"Мен атамды кечирдим. Апам экөөбүз атамды күтүп жатабыз". Күйөөсү мойнуна дөңгөлөк асып аялын сабаган окуя. Үй-бүлөнүн жалгыз уулу окуя тууралуу үн катты

Үй-бүлөлүк зомбулукка байланыштуу кезектеги коомчулуктун кыжырын кайнаткан окуя ушул жылдын 8-июнунда Сузак районунун Бек-Абад айылында катталды. Анда күйөөсү аялынын колун байлап, мойнуна таш салынган дөңгөлөктү асып, үстүнөн чакалап суу куюп, жаагына чаап жазалаган окуя орун алган.

SUPER.KG порталы үй-бүлөнүн жалгыз уулу менен байланышты. Уулунун айтымында, атасы апасына буга чейин кол көтөргөн эмес жана ал атасын кечиргенин айтып, буларга токтолду.

"Урматтуу кыргыз элим, болуп өткөн окуяга кабатырланып, өз оюңуздарды билдирип жатканыңыздар үчүн ыраазычылык билдирем.

Бул иш кокусунан болуп кетиптир. Буга чейин атам эч убакта апама катуу сүйлөгөн эмес. Азыркы учурда социалдык тармакта биз жөнүндө болуп жаткан сөздөрдүн баары жалган.

Азыр апамдын абалы жакшы. Эч кандай коркунуч жок. Экөөбүз чогуу өз үйүбүздө күн кечирип жатабыз. Окуя болгондон кийин атам менен телефон аркылуу бир эле жолу сүйлөштүм. Ал менден ыйлап кечирим сурады. Мен атамды кечирдим. Апам атама жолугуп келди жана ага карата эч кандай доо арызы жок. Атам кылган ишине абдан өкүнүп жатат. Биз карапайым эле адамдарбыз жана үй-бүлөдө үч эле кишибиз. Мен үйдө жалгыз уулмун. Мен үй-бүлөмдүн сакталып калышын каалайм. Апам экөөбүз атамды күтүп жатабыз. Жалпы кыргыз элинен атамдын, апамдын жана жеке өзүмдүн атыман кечирим сурайм", - деди үй-бүлөнүн жалгыз уулу.

Жалал-Абад ОИИБинин маалыматына ылайык, таш салынган дөңгөлөктү аялдын моюнуна артып алып жаза берген адам 11-июнь күнү кармалып, кийинчерээк 15 суткага камакка алынган. Бул окуя "үй-бүлөдөгү зомбулук" менен катталып, тиешелүү материалдар топтолгон соң "уруп-согуп, кыйноо" болуп өзгөртүлгөн. 15-июнда жабырлануучу күйөөсүн кечиргендигин билдирип, тосмо арыз жазып, аял жолдошун бошотууну өтүнгөнү маалым болгон.

Күйөөсү мойнуна дөңгөлөк асып аялын сабаган окуя. Үй-бүлөнүн жалгыз уулу окуя тууралуу үн катты

Автор: Азат Бейшенбеков

15:15 16-06-2020

Жазылуу

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 946 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 832 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3549 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1029 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1744 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 642 0

Архив

Комментарийлер (22)

Arstan18.18

2020-06-16 19:38:27

Аялдан эмнеге эчким ал акыбал сурап , интервью албайт? Ушунчалык орду жокпу бизде аял затынын? Чындап баласы не кечирдим дейт баласын сабагансып? Же апасы суйлой албастанып. Кечирбей эле эженин бир туугандары катуу турса болмок. Журогу жок киши экенго

+10

nurali1989

2020-06-16 19:51:57

Аял заттынан кабар алып туруш керек, тууган жана бир туугандар, Ата энелер. Тийди болду кутулдук дебей. Ал акыбал, сурап бармай жоголду. Адам деген озгорот, ооруйт, ичет, шайтан аралайт деген оорулар бар. Аны уруш болгондо жакындары асырап алуу менен чечилет, аял затынын эже синдилери, коншу колон деген болот сырдаш.

mirana9395

2020-06-16 20:08:13

Мин кечирген убакта дагы.жазасын алсын жазага тартыш керек.сенин кечиргенин бул жерде роль ойнобойт.апанды аясан боло.

aika17

2020-06-16 20:29:21

Апасынын оозун жаап койушту.Арызымды алам деп жүрөт.Бизде кой уят эл эмне дейт деген түшүнүк жашайт. Бул аял дагы ошонун курмандыгы болгон окшойт. Мындай кордук көргөндөр чекеден чыгат.Байкуш аялдар чыдап жашырып эле келе жатышат.Үйбүлөм бузулбасын деп жашаганы менен жарым жан болуп калса кайсы жашоо болмок эле.

Haanykeim

2020-06-16 21:20:20

Айттым элего тосмо арыз жазып бербесе эле деп.Айткандай болуптур.Биринчи жолу кол көтөрсө ушунчалык болсо,акыркы жолу кол көтөрсө өлтүрүп эле салатко.Эже байкуш жоош неме окшойт.Баласы неге кечирдим дейт?Апасынан алсын интервьюну.

katerina.li

2020-06-16 21:31:12

Кантип эле кокусунан болуп кетет. Бир жерден чалынып кулап кетсе кокустук дегендей. Элдин баары эле келесоо эмес да ишене бергидей

Alinur96kg

2020-06-16 21:47:52

Баланы атасынын туугандары талап жеп аткан экен.

Baktyluu_bolgum_kelet

2020-06-16 23:41:45

Ке бар жоголчу!сени ургансып кечирдим дегидей

Milashkaa

2020-06-16 23:45:41

Кийин өкүнөсүң апаңды жоготуп алсаң ошондо өкүнөсүң, андай канкор адамдан өлүп кутулам деп апаң өзү өлүп алганда, ошондо өкүнөсүң, ойлон

Firdaus-Muslim

2020-06-17 00:00:20

Ошол кишини граната менен жардырып жибериш керек.

Raihan0602

2020-06-17 00:24:27

Уяты жок 50 жашка чейин кирбеген акылы эми кирип аялын сыйлап калмак беле.Балам сен апаңды кор кылбай багып ала турган курака жетип калыпсың.Атаңды кечирсең да апаңды андай мыкаачы зөөкүр немеге жараштырба.Кечирип койгула бирок ал кишиге башка айта турган сөз таппадым.Мен болсом эки дүйнө кечирмек эмесмин.

Balshi

2020-06-17 00:49:46

Баласы дагы атасына коргон тарбиясын колдонот.кечирдим деп,кечиргенин жакшы ,бирок апанды ушунчалык кордогонун коруп кечирдим десен сен деле макул экенсин да ээ

Gulzina1993

2020-06-17 00:50:49

Иииии тообо кылдым кылдым мээ да бар экен да Аманды кечиргенин туура бирок кутуп аиканынар кызык го, биринчи жолу урду дегенине эч эле ишенгим жок нормальный эркек менен жашаган аял 47 жашында мынча каары корунбойт, значит тээ мурунтан эле сабап жургон.

nurka_85

2020-06-17 00:55:57

Баласын кысып аткан болуш керек атасынын туугандары, болбосо кайсы жинди ишенет биринчи жолу дегенге?
Эгер биринчи жолу урган болсо, эже кошо мушташып чабышмак, жок дегенде качып кетмек же азыр кечирмек эмес. Байкуш эже кечире берип көнүп калган баласы үчүн.
Эже сизге ден соолук!!!

tattusha

2020-06-17 12:02:06

Эмнеге атамдын,апамдын атынан кечирим сурайм дейсин, Апан эмне учун кечирим сураш керек кор болгону учунбу???

Комментарий калтыруу үчүн өз ысымыңыз менен кириңиз же каттоодон өтүңүз.