ИИМдин академиясынын кызматкерлери сууда агып бара жаткан кызды куткарып калышты

ИИМдин академиясынын кызматкерлери менен курсанттары сууда агып бара жаткан кызды куткарып калышты. Бул тууралуу ИИМдин басма сөз кызматынан билдиришти.

Академияда нөөмөттө турган курсант Бекжан Асылбеков Аламүдүн-1 кичи районундагы каналда кыздын жардамга чакырып кыйкырып агып бара жатканын көргөн. Ошол замат ИИМдин академиясынын нөөмөт бөлүмүнө билдирген.

Өз маалында кызматкерлер ыкчам аракеттерди көрүп, агып бара жаткан кызды суудан алып чыгышкан. Андан соң, денесиндеги жаракаттарына биринчи медициналык жардам көрсөтүшүп, медициналык "Тез жардам" кызматына тапшырып беришкен. Өз маалында жардам көрсөтүп, аман алып калган академиянын кызматкерлерине кыздын ата энеси, туугандары ыраазычылык билдиришти.

Автор: Айсалкын Качкынбекова