Инстаграмда tut.beka деп катталган блогер кыздардын сырткы кийими тууралуу тартып киргизген видео ролигиние нааразы болгон интернет колдонуучулары көп болду. Анда ал кыска юбка кийген кыздарды сойку кыздарга салыштырган. Блогердин видеосунда, ал аялдамада турган кызга кайрылып, анын саатына канча турарын сураган.
"Эмне үчүн бул колдонуучу ушундай видеолорду тартат? Ал катталуучуларын мындай роликтер менен шылдыңдабашы керек! Мен бул айтылгандарды бир эле кызга эмес, жалпы кыздарга айтылган акаарат сөз катары кабыл алдым", - деп жазган Инстаграм колдонуучулардын бири.
Роликке реакция кылгандардын катарында сүрөтчү жана мурунку президент Алмазбек Атамбаевдин кызы Алия Шагиева да бар. Ал эфир учурунда блогер кыз менен сөзмө-сөз айтышып кеткен.
Шагиева бөлүп жаруу, дискриминация, зордук зомбулук, басмырлоодон алыс болуу керектигин билдирген.
Алия Шагиеванын сүйлөгөн сөзү аягын чыкпай, күйөөсү телефонду алгандан кийин, эфир үзгүлтүккө учураган.
Ал эми блогер аталган видеону "Тамашоунун" президенти Эрмек Нурбаевдин суранычы менен баракчасынан алып салган.