YouTube каналы TikTok сыяктуу кыска видео жасоо функциясын ишке киргизди

YouTube каналы өзүнүн платформасына YouTube Shorts деген аталыштагы кыскача видеолорду түзүү функциясын ишке киргизди. Бул тууралуу YouTube расмий блогунда маалымдалганын чет элдик маалымат каражаттары жазып чыгышты.

Тиркеме уюлдук телефондун жардамы менен узактыгы 15 секундага чейинки видео жасоого мүмкүнчүлүк берет. Бета-версияда колдонуучулар бир нече видео клиптерди айкалыштырган көп сегменттүү камерага, музыка менен видеолорду жаздыруу мүмкүнчүлүгүнө ээ боло алышат.

Бул функция жакынкы күндөрү Индияда, андан кийин башка өлкөлөргө кеңири жайылмакчы.

Автор: Алина Айдарбекова