"Сейил бакка, веложолго, аллея, көчөлөргө түшүнгөн жокмун". Илья Варламов 1 сааттык көрсөтүүсүндө Бишкекти катуу сындады (видео)

Кыргыз өлкөсүнө келип кеткен орусиялык журналист жана блогер Илья Варламов өзүнүн Ютуб каналына Бишкек шаары жөнүндө даярдаган 1 сааттык видеокөрсөтүүсүн жүктөдү.

Видеодо Варламов Бишкек шаарындагы бир топ кемчиликтерди айткан.

"Менин түшүнгөнүм боюнча кыргыздар сынды жактырышпайт. Айрымдары өлкөгө келген коноктор сын жана кемчиликтерди айтууга болбойт деп эсептешет", - деген ал берүүсүндө.

Берүү борбор калаанын көптөгөн жагдайларын сындоо менен башталган.

"Көчөлөрү бүт жарнама, баннерлерге толгон, имараттарда да ар кандай түстөгү баш аламан жарнамалар илинип турат. Шаар аралап сейилдегиң келбейт, ал көчөлөрдөн баскың да келбей унаага отурат экенсиң. Жолдору, аллеялары өтө начар абалда, чуңкур болуп оюлган, аларга суу толгон", - деген Варламов өзүнүн берүүсүндө баарын видеодо көрсөтүп.

Мындан тышкары ал 1 сааттык берүүсүндө Бишкек шаарындагы көп кабаттуу үйдүн короолорун, сейил бактарды жана айдоочулардын бири-бирине жасаган мамилесин бир топ сындаган. Ошол эле учурда "Ош базарында" түркүн-дүйүм жашылча-жемиш, мөмөлөр, кургатылган мөмөлөргө кызыгуу арткан. Бишкектин элин өтө меймандос, ак көңүл деп сыпаттап: "Жаман шартта жашаган жакшы адамдар" деген. Муну менен катар эле мэрияны шаардын курулушундагы бир катар кемчиликтерди жоюуга чакырган.

Буга чейин Илья Варламовдун Бишкек шаарындагы Чүй-Манас көчөлөрүнүн кесилишиндеги унаа тыгыны боюнча айтканы кызуу талкууга алынган. Анда ал айдоочулар унаа тыгынына карабай сигналдарын басып жатканын, патрулдук милицияга баш ийбей жаткандыгын айтып таң калган.

Автор: Азат Бейшенбеков

18:09 16-09-2020

Жазылуу

РУБРИКАДАГЫ СОҢКУ КАБАРЛАР

13:41 2025-06-20 | Түркүн дүйнө

ChatGPT аркылуу дипломдук ишин бүтүрүп мактанган студент талкууда 182 0

13:17 2025-06-20 | Коом жана турмуш

Агартуу жана Билим берүү министри Петербург эл аралык экономикалык форумуна катышты 100 0

13:11 2025-06-20 | Супер-Инфо

Тамада бычакталып каза тапты. Чырга эмне себеп болгон? 369 0

12:38 2025-06-20 | Коом жана турмуш

Замандын талабындагы китептер: Кызыгуу, тандоо жана тренд 1938 0

12:08 2025-06-20 | Түркүн дүйнө

Адам курмандыгы бар... Казакстандын Павлодар облусунда катуу бороон болду (видео) 813 0

11:51 2025-06-20 | Коом жана турмуш

"Ак-Жол унаа жолу" фитосанитардык көзөмөл пунктунун иши кайра жанданды 231 0

Архив

Комментарийлер (11)

Tiken

2020-09-16 18:31:41

Туптуура айтыптыр. Катачылык коргон жокмун, создорунон. Шаарыбызды ондошпосо ушул создорду дагы эчен угабыз!!!

+19

Dani

2020-09-16 19:25:30

Мен да туура кабыл алдым,моюнга алыш керек

+16

Mina24

2020-09-16 19:57:58

Туура азамат экенсин

Tolkun555

2020-09-16 20:15:35

Эн туура.

nazira...

2020-09-16 20:56:05

Бул озунчо эле неге кыйын болуп атат. Айланып кет Кыргызстандан, шашпа дагы келем дейсин али.

-6

Agayu

2020-09-16 21:17:42

Уялчаак депутаттар укпайт мындайларды :

Baatirbek81

2020-09-16 22:30:42

Чын эле заправканы кайсы чимкирик салып салгаг!
Заправка негизи эле шаардын чыга беришинде,же болбосо элден алысырак жерге салыныш керек эле!

faraon312

2020-09-16 23:36:12

Кагылайын, Илья, өзүңдү да кыйнабай, биздин да көңүлдү оорутпай башка жакшы шаарларга барчы. Биздин чоңдор шаарды уруп ойнобойт, алар өзүнүн камын көрсө болду. Жакшы шаарларга тайып кете берет кез келгенде...

talant87

2020-09-16 23:48:02

Сынды туура кабыл алыш керек себеби чындык

tsunse

2020-09-17 04:27:52

Ошко кел

Baku88

2020-09-17 15:25:40

Сынды туура кабыл алганды уйронушубуз керек. Ачуу айткан бирок чындык бар. Биз козубуз коро берип башаламандыка конуп калганбыз. Сырттан келгендерге аябай эле билинет. Депуттар угут иштерине короткон акчасын ар бири бирден кочону жолу ондосо болмок.

Комментарий калтыруу үчүн өз ысымыңыз менен кириңиз же каттоодон өтүңүз.