"Менимче, 30 жаш жашоомдун жаңы баскычы". Ырчы Чолпон Талипбек туулган күнүн Түркиянын Эгей деңизинин жээгинен өткөрдү

"Non-stop" дуэтинин солисти, учурдагы жеке ырчы Чолпон Талипбек 30 жашка толду. Ал 1990-жылы 22-сентябрда Кант шаарында төрөлгөн.

"Туулган күнүм эң жакшы деңгээлде өттү. 30 жашка чейин кандай жетишкендиктерге жетиштим, мындан ары кандай багытта иш жасашым керек дегендин үстүндө ой жүгүрттүм. Тагыраагы, балалык кыялымды ишке ашырдым, эми менде жакындарыма көмөк көрсөтүп, алардын кыялдарын ишке ашыруу мүмкүнчүлүгү бар. Эң башкысы мага ырахат тартуулаган жумушум бар. Жан дүйнөмдү угуу менен өзүм жактырган жашоодо өмүр сүрүү шартым бар.
Менимче, 30 жаш жашоомдун жаңы баскычы. Мындан улам жаңы жашоону жаңы жерден, жаңы сезимдер менен баштагым келип, Эгей деңизинин жээгин тандадым", - дейт ал.

Ырчы учурда Түркиянын Бодрум шаарында эс алып жатат.

Чолпон Талипбек шаардагы №1 мектеп-гимназиясын аяктап, Бишкектеги финансылык-техникалык техникумда билимин уланткан. Андан кийин Бүбүсара Бейшеналиева атындагы маданият жана искусство институтун Телевидение жана радио режиссёру багытында аяктаган.

Ырчы бийкеч өзүн ырчылыкта гана эмес, кино жаатында да, алып баруучулук тармагында да сынап келет. Ал "Ийгилик баяны", "Жыргал лайф" берүүлөрүн алып барган.

2017-жылы "Non-stop" дуэти тарап, Чолпон Талипбек жеке ырчы катары чыгармачылыгын улантып келет. Анын репертуарында "Жүрөгүм эзилет", "Таппадым сендей", "Жай", "Сени издейм", "Серенада" жана башка ырлар бар.

22-сентябрдын жылнаамасы.

Автор: Бактыгүл Момбекова

12:15 23-09-2020

Жазылуу

РУБРИКАДАГЫ СОҢКУ КАБАРЛАР

21:30 2025-05-03 | Коом жана турмуш

Жеңиш майрамына карата 8-9-май күндөрү борбордогу бир катар көчөлөр жабылат 344 0

20:24 2025-05-03 | Кылмыштар, кырсыктар

Ошто букмекердик иштерди мыйзамсыз жүргүзүүгө шектелгендер кармалды (видео) 654 0

18:42 2025-05-03 | Кылмыштар, кырсыктар

"Батирлерин сатып". Бишкекте ири алдамчылыкка шектелгендер кармалды 1076 0

17:27 2025-05-03 | Коом жана турмуш

"Генерал айтты да, аны аткарды". Өмүрбек Бабанов Ташиевге ыраазычылык билдирди (видео) 4210 1

17:03 2025-05-03 | Түркүн дүйнө

Зеленский Путин сунуштаган 3 күндүк ок атышпоо сунушуна макул эместигин билдирди 2029 0

16:12 2025-05-03 | Түркүн дүйнө

Орусияда мышык эки аялды балконго камап салган (видео) 1926 0

Архив

Комментарийлер (10)

nazarnew

2020-09-23 12:41:35

Молодцом

Begish54

2020-09-23 12:57:13

Маегинде жараткан Аллахты эстебегендей, Аллахым өмүр берсе,кудайым буйруса 30 жаш жашоомдун жаңы баскычы десе болчудай, эртеңки күн эмне болот Аллахтан башка эч ким билбейт.

-2

guljan929

2020-09-23 23:05:15

Begish54,+++

narynbek2001

2020-09-23 13:25:24

Азаматсын. Туулган кунун кут болсун. Абдан сулуу, кереметтуу, жылдыздуу кыз да ушул. Жасаган прическалары да озуно дайыма жарашып, жылдызын ачып турат. Кыздар чачтарын жасатып, кое берип, жакшынакай жарашыктуу кийинип алса кандай сонун, тим эле карап олтуругун эле келет. Айымдар дайыма чачынарды жасатып, кое берип келбеттуу болуп журо бергиле.

sumaya

2020-09-24 03:26:14

narynbek2001,Кыздардын чачына суктана берген адам экенсин да?))Ар бир комментарийинде айтасын ))

Asel69

2020-09-23 13:30:23

Туулган кунун кут болсун. Жараткан Тенирим сага узун омур берсин. Тенирим колдоп дайыма ден соолукта бол. Ушундай эле жылдыздуу, суйкумдуу болуп журо бер. Жараткан Тенирим колдосун.

-8

Asel69

2020-09-23 13:41:00

21-кылымдын красавицасы. Кандай болсон ошол бойдон эле журо бер. Эч озгорбо. Прическаларын озуно абдан жарашат.

Welcome.

2020-09-23 13:49:56

Ушул кызды сүйөмго сүйөм, соска

-1

asyl1998

2020-09-23 14:07:12

Шляпа кийип, колго очкини кармап, шортик кийип дениздин жегинде озунчо эле Леди Гаага болуп калган го назданып.

nazira...

2020-09-23 22:25:58

Бул кыз 30га чыктыбы, кой эртерээк куйоого чык чычандабай, кеч боло электе

Комментарий калтыруу үчүн өз ысымыңыз менен кириңиз же каттоодон өтүңүз.