"Төкмө акын, манасчы...". Өнөр адамдары митингге келишти

Бүгүн, 5-октябрда борборубуздагы "Ала-Тоо" аянтында шайлоонун жыйынтыгына нааразы болгон тараптар митинг өткөрүп жатышат. Анда өнөр адамдары төкмө акын Азамат Болгонбаев, манасчы Дөлөт Сыдыков, алпаруучу Назира Айтбекова, Кыргыз Эл артисти Курмангызы Азыкбаев, ырчы Мирбек Атабеков жана Тата Улан дагы келди.

Азамат Болгонбаев комузун колуна алып ыр саптарын төксө, манасчы Дөлөт Сыдыков манас айтты.

"Силердин чогулганыңарга жиним келип жатат. Кресло үчүн чогулуп жатасыңарбы же элдин кызыкчылыгы үчүнбү?" дейт алпаруучу Назира Айтбекова.

"Митингге айла жоктон келип жатабыз. Кыргыз элим намысыбызды сактайлы, абийирибизди сатпайлы. Кудайым буюрса, баары жакшы болот", - деди Мирбек Атабеков.