Forbes журналы эң көп киреше тапкан өзбек жана тажик Tiktok колдонуучуларын атады

Forbes журналынын орус тилдүү версиясы боюнча Өзбекстан менен Тажикстандын тургундары Tiktok тиркемеси аркылуу эң көп киреше тапкан колдонуучу аталышты. Бул тууралуу чет элдик басылмалар жазып чыгышты.

Маалыматка ылайык, басылма орус тилдүү 50 колдонуучусунун кирешесин талдап, алардын арасынан эң көп киреше тапкан 10 адамды аныктады. Бул тизмеге Tiktok`тон тышкары белгилүү болгон блогерлер, музыканттар жана башка белгилүү адамдар кирген эмес.

Биринчи орунду 22 жаштагы өзбекстандык Рахим Абрамов ээлеген. Алгачкы кирешесин 3 жыл мурун өз алдынча видео тарта баштаганда тапкан. Анын "Fendi" ыры трекке жазылган видеолордун саны боюнча рекорд койду, тагыраагы, ырды 3 миллион 400 миң видеого колдонушкан. Тиктокердин кирешеси 10 миллион 470 миң рублга (10 миллион 811 миң 621 сом) бааланган.

2-орунга 21 жаштагы тажикстандык Дина Саева аттуу Тикток колдонуучусу чыккан. Анын Тиктоктон тапкан кирешеси 4 миллион 93 миң (4 миллион 226 миң 548 сом) рублду түзөт.

Ал эми 3-орунга 23 жашагы беларустук Алексей Савко илинген. Анын тапкан кирешеси 4 миллион 81 миң (4 миллион 214 миң 157 сом) рублду түзөт.

Андан кийинки орундарга төмөнкүлөр кирген: 18 жаштагы Юлия Гаврилина жана Валентина Карнаухова (Валя Карнавал), Даня Милохин, 23 жаштагы Кирилл, Артём Верзаковдор, 24 жаштагы Анна Калашник, 20 жаштагы Аня Покровская жана Диана Дмитриева.

TikTok - музыка менен коштолгон кыска видеолорду жасоо, түз эфирлерди жана билдирүүлөрдү алмаштырууга мүмкүн болгон социалдык тармак. Ал 2016-жылы ишке киргизилген. Аудиториясынын басымдуу бөлүгү өспүрүмдөр болуп саналат.

Автор: Алина Айдарбекова