реклама
super.kg logo

Ошто жарым ай ичинде санитардык нормаларды бузгандарга 132 миң сом айып салынды

 

Ош шаарында акыркы жарым ай ичинде санитардык нормаларды бузгандарга 132 миң сом айып салынып, 14 материал укук коргоо органдарына өткөрүп берилди. Бул тууралуу Ош шаардык мэриясынын маалымат кызматынан билдиришти.

Маалыматка ылайык, кечээ, 14-октябрда Ош шаарынын "Курманжан-Датка" муниципалдык аймактык башкармалыгында шаардык Жарандык коргонуунун штабынын протоколдук буйругуна ылайык, санитардык-эпидемиологиялык эрежелерди жана нормаларды сактоо зарылдыгы боюнча рейд өткөрүлдү.

Рейддин жыйынтыгында 25-сентябрдан 14-октябрга чейин гана коомдук тамактануу, соода жана тейлөө багытындагы 475 объект текшерилип, анын жүрүшүндө санитардык талаптарды бузгандарга 132 миң сом өлчөмүндө административдик айып салынган. 14 материал укук коргоо органдарына өткөрүп берилген.

"Рейддин алкагында коомдук тамактануу жайлардын кызматкерлеринин арасында санитардык эрежелерди так сактоо зарылдыгы боюнча түшүндүрүү иштери жүргүзүлдү. Жыйынтыгында Шакиров көчөсүндөгү 15ке жакын коомдук тамактануучу жайлар, соода түйүндөрү жана тейлөө жайлары текшерилип, карантиндик эрежелерди, анын ичинде бет кап режимин жана социалдык аралыкты сактоо эрежелери боюнча мурда эскертилген санитардык-эпидемиологиялык талаптарды бузгандарга административдик айып салынды.

Муниципалдык аймактык башкармалыктардын кызматкерлери рейддердин негизги максаты - санитардык-эпидемиологиялык талаптарды так сактоого чакыруу, коомдук жайларда түшүндүрүү иштерин жүргүзүү экендигин баса белгилешти", - деп жазылат билдирүүдө.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
153091;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: