"Күзүндө кырдаал жай мезгилинен дагы курчуйт". Билл Гейтс бет кап кийүүгө үндөдү

"Microsoft" корпорациясынын негиздөөчүсү Билл Гейтс коронавируска байланыштуу кырдаал курчушу мүмкүн экенин эскертти. Бул тууралуу дүйнөлүк басылмалар жазып чыгышты.

"Күз жай мезгилине салыштырмалуу кыйла начар", - деп билдирди Гейтс.

Анын айтымында, учурда оору жуктуруп алгандардын саны көбөйүп баратат. Вакцина чыкканга чейин вируска каршы күрөшүүнүн бир гана жолу бар, бул - бет кап тагынуу.

"Тилекке каршы, адамдар вируска каршы күрөшүүдө чарчашат. Көпчүлүк адамдар буга терс көз карашта болушат. АКШда бет кап тагынуу андан да жаман", - деп кошумчалады ал.

Билл Гейтс буга чейин коронавирус пандемиясы 2022-жылы бүтөрүн айткан.

Автор: Гүлзина Каныбекова