Өлкөдө мөөнөтүнөн мурда президенттик шайлоо 17-январда өтүшү мүмкүн

Кыргыз өлкөсүндөгү мөөнөтүнөн мурда президенттик шайлоо болжол менен 17-январда өтүшү мүмкүн. Бул тууралуу бүгүн, 16-октябрда өткөн БШКнын кезексиз жыйынында анын төрайымы Нуржан Шайлдабекова билдирди.

"Болжол менен кайра парламенттик шайлоо 20-декабрга дайындалат. Жыл аягына чейин он күндүн ичинде парламент түзүлүшү үчүн, анын жыйынтыгын чыгаруу керек. Кезексиз президенттик шайлоону Жогорку Кеңеш дайындайт. Алар болжол менен 17-январда өтүшү керек", - деди Шайлдабекова.

Кыргыз өлкөсүнүн бешинчи президенти болгон Сооронбай Жээнбеков отставкага кетти. Анын милдетин парламенттин спикери алуудан баш тартып, президенттик кызмат өкмөт башчы Садыр Жапаровго өттү.

Автор: Азат Бейшенбеков