Владимир Путин Кыргыз өлкөсүндөгү абал тууралуу оюн билдирди

"Орусия Кыргыз өлкөсүндө болуп жаткан абалга кайдыгер карай албайт, бирок кыргыз эли өз алдынча эгемендүүлүккө ээ болуш үчүн кийлигишүүнү көздөбөйт". Мындай пикирин Орусиянын президенти Владимир Путин "Валдай" эл аралык дискуссия клубунун 17-жыйынында сүйлөп жатып билдиргенине таянып, орус басылмалар жазып чыгышты.

"Кыргыз өлкөсүндө болуп жаткан окуялар кыргыз элине түшкөн мүшкүл. Шайлоонун арты менен элдик толкундоо келет. Көптөгөн өлкөлөр өз мамлекеттүүлүгүнө жаңыдан кадам таштап жатат. Андыктан мен кесиптештериме постсоветтик өлкөлөрдүн калыптанып келе жаткан мамлекеттүүлүгүнө кылдаттык менен мамиле кылууну дайыма айтып келем. Бул өлкөлөрдөгү суверендүүлүктүн калыптанып келе жаткан институттарын бузуп албаш үчүн ички иштерине кийлигишпөө керек. Эл ич ара мамилени өзү калыпка салышы зарыл. Орусия Кыргыз өлкөсүндө болуп жаткан абалга кайдыгер карай албайт, бирок кыргыз эли өз алдынча эгемендүүлүккө ээ болуш үчүн кийлигишүүнү көздөбөйт.

Албетте, биз санаа тартпай коё албайбыз. Бирок биз кеңеш берип же кайсы бир саясий күчкө насаатчы болгон жокпуз. Кыргыз өлкөсүндө абал тез арада турукташып, эки элдин достук мамилеси сакталып калат деп үмүт кылам", - деп билдирди Путин.

Ошондой эле ал Орусия Кыргыз өлкөсү бутуна туруп кетиши үчүн көп нерсе кылганын жана жардам берүү максатында кыргыз экономикасына жана башка тармактарына жүз миллиондогон каражаттарды бөлгөнүн кошумчалады.

"Биз бир мамлекеттин алкагында жылдар эмес, кылымдарды карытып жалпы мамлекеттин
алкагында жашап келе жатабыз. Биздин эбегейсиз зор байланышыбыз бар, экономика жаатында,
гуманитардык жаатында терең кызматташып келебиз. Биз бардыгыбыз бир тилде сүйлөйбүз. Чындыгында, биз бир маданияттагы адамдарбыз. Мен тарых жөнүндө деле сүйлөбөйм - биздин жалпы тарыхыбыз бар, нацизмди жеңген жалпы жеңишибиз бар. Биздин ата-бабаларыбыз, чоң аталарыбыз биздин өзгөчө мамилебизди өз каны менен тыгыз кылып кетишкен. Бүгүн кандай гана окуя болбосун учурда саясий кырдаал кандай өнүксө дагы, жалпы кызыкчылыктарыбыз бирдей болгон бардык мамлекеттер менен мамилелерибиз ынтымакта болот деп ишенем", - деп кошумчалады Орусия лидери.

Автор: Гүлзина Каныбекова

11:01 23-10-2020

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 173 0

01:07 2025-05-16 | Кылмыштар, кырсыктар

Ак-Буура дарыясына өспүрүм бала түшүп кетти 229 0

00:36 2025-05-16 | Түркүн дүйнө

Франция Иранды Эл аралык сотко берет 284 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 239 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 745 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 558 0

Архив

Комментарийлер (8)

Abdu77

2020-10-23 11:09:18

Это уже хорошо.

+11

Burulai00

2020-10-23 17:23:37

Бизге жардам берип эле ататко ,Россияда кыргыздар женилдиктер коп,озбек ,тажиктерге Караганда .патент толобойбуз, регистрация ны 2жылга продления кылсак болот,Каалагпн жерге официально ишке кирсен болот!Рахмат Россияга !

+12

Taalaibek.

2020-10-23 18:43:55

Орусияга кошулабыз!

nazira...

2020-10-23 19:24:10

Ошон учун паспортторубуз сатылып атпайбы башка ошо озбек тажиктерге. Алар барып алып Кыргызстандын наамын булгап жатышат да. Ошону карап оордуна кое турган бироо бар бекен. Паспорт столдогуларды текшерип оордуна койгон.

+13

Tyty1990

2020-10-23 22:41:02

Садага болоюн Володя жакшы айттың, кел эми алып жиберели

-3

Arslanbek758

2020-10-24 10:59:55

Жашасын Кыргызстан.

Asema007

2020-10-25 01:00:23

В.Путинге ыраазы эле болуш керек,башка соз жок.

Nurtoruk

2020-10-25 15:20:43

Жакшы Россия женилдиктерди Берген бизге Рахмат айтыш керек

Комментарий калтыруу үчүн өз ысымыңыз менен кириңиз же каттоодон өтүңүз.