"Барселона" клубунун президенти Хосеп Бартомеу кызматынан кетти

"Барселона" футболдук клубунун президенти Хосеп Бартомеу кызматтан кетти. Бул тууралуу чет элдик басылмалар жазып чыгышты.

"Барселона" клубунун 57 жаштагы президенти Хосеп Бартомеу команданын сайтында жарыяланган маалымат жыйынында отставкага кеткенин билдирди. Бул чечимди клубдун башка лидерлери менен катар кечээ, 27-октябрда болуп өткөн директорлор кеңешинин жыйынынан кийин кабыл алган.

"Футболчулардын айтымында, Барселонаны менеджментиндеги башаламандык команданын ийгиликсиздигине алып келген. Команданын башкы оюнчусу Лионель Месси менен президенттин келишпестиктери, клубдун көңүл калтырган каржылык абалы, ошондой эле күйөрмандарга болгон ишенбөөчүлүк себеп болду", - деп айтылат маалыматта.

57 жаштагы Бартомеу Барселонада 2014-жылдан бери президент болуп иштеп келген. Анын жетекчилиги астында клуб Чемпиондор Лигасынын жеңүүчүсү болуп, өлкө чемпиондугун жана Испания Кубогун төрт жолу жеңип алган.

Автор: Гүлдана Мамадали кызы