"Агент 007" тасмасынын жылдызы Шон Коннери каза болду

Ойдон чыгарылган англиялык тыңчы Жеймс Бонд тууралуу тасманын жылдызы, белгилүү шотландиялык актёр Шон Коннери каза болду. Бул тууралуу дүйнөлүк басылмалар актёрдун жакындарына шилтеме берип жазып чыгышты.

Шон Коннери 1930-жылы Шотландиянын Эдинбург шаарында туулган. "Оскар", "Алтын глобус" сыйлыгынын ээси Шон Коннери 70тен ашуун тасмада роль жараткан. Алардын ичинде Ян Флемингдин чыгармасынан улам тартылган 7 тасмада (тартылган жылдары – 1962, 1963, 1964, 1965, 1967, 1971, 1983) Шон Коннери Жеймс Бонддун образын жараткан.

Жарым кылымга созулган актёрлук карьерасын Шон Коннери 2003-жылы жыйынтыктаган.

Автор: Бактыгүл Момбекова