АКШда Дональд Трамптын кызматтан кетишин талап кылып демонстранттар митингге чыгышты

АКШнын президенти Дональд Трамптын тез арада кызматтан кетишин талап кылып Нью-Йорк шаарында демонстранттар митингге чыгышты. Бул тууралуу чет элдик басылмалар жазышууда.

Маалыматка ылайык, АКШда болуп өткөн президенттик шайлоодон кийинки Трамптын жана вице-президент Майк Пенстин жазган постторуна нааразычылыгын билдиришип, Нью-Йорк шаарында бир топ адам чогулушкан. Митингчилер менен бирге бир топ активисттер "Трамп биздин шайлоодогу добуштарыбызды уурдап жатат" деген ураандарды көтөрүп, добуштарды кайрадан эсептеп чыгууну талап кылышкан. Акцияга чыккан бир топ адамдарды полиция кармап кетти.

Учурда штаттардагы добуштарды эсептөө ар кандай убакытты талап кылып, добуштар почта аркылуу жыйынтыкталып жаткандыгына байланыштуу шайлоонун жыйынтыгы чыга элек.

Президенттик шайлоого эки талапкер ат салышууда. Алар: 74 жаштагы учурдагы АКШ лидери Дональд Трамп жана 77 жаштагы мурдагы вице-президент Жо Байден.

Автор: Гүлдана Мамадали кызы