Индияда дүйнөдө сейрек кездешүүчү таш бака табылды

Индияда сейрек кездешүүчү альбинос таш бака табылды. Бул тууралуу дүйнөлүк басылмалар жазып чыкты.

"Бул индиялык чоң калактуу таш бакалардын түрүнө таандык сойлоочу. Көбүнчө бул таш бакалар жашыл түстө жана узундугу - 22-35 сантиметр. Алар Түштүк Азияда жашайт", - деп жазылат маалыматта.

Маалыматка ылайык, адистер жаныбарды карап чыгып, сүрөткө тартып, кайра жаратылышка коё беришти. Бирок, таш баканын табигый жашоо чөйрөсүндө жашап кетиши кыйын болушу мүмкүн деген кооптонуу бар.

Табылган таш бака анын түрүндөгү башка таш бакаларга окшош эмес, ал хроматикалык лейкемиядан, башкача түс пигментациясынын жоголушунан келип чыккан адаттан тышкары сары түскө ээ.

"Мындай жаныбарлар Непалда олуттуу диний жана маданий баалуулукка ээ. Вишну ааламды кыйроодон
сактап калуу үчүн таш бака формасына ээ болгон деп эсептешет. Индус мифологиясында ташбаканын
үстүңкү кабыгы асманды, ал эми төмөнкүсү жерди билдирет", - деп айтылат маалыматта.

Кээ бир непалдыктар, табылган сейрек кездешүүчү жаныбарды "Кудайдын ишке ашышы" деп эсептешет.

Автор: Гүлзина Каныбекова