"Туткундарды алмашуу, басып алган жерлерди өткөрүп берүү". Армениялыктарды нааразы кылган, Армения менен Азербайжан кандай келишимге кол койду?

Орусия, Армения жана Азербайжан лидерлери бүгүн, 10-ноябрдан баштап Тоолуу Карабахта ок атышпоо чечимине кол коюшту. Келишимдин толук текстин Риа новости басылмасы жарыялады. Келишим төмөнкүдөй шарт менен кабыл алынды.

- 10-ноябрь Москва убактысы боюнча түнкү саат 00:00дөн баштап толугу менен ок атышууну токтотуу. Азербайжан жана Армения аскерлери өз позицияларында калат;

- Тараптар аскер туткундарын алмашууга милдеттендирилет;

- Армения Кельбажар аймагын Азербайжанга 15-ноябрга чейин, ал эми Лачин аймагын 2020-жылдын 1-декабрына чейин кайтарып бериши керек. Мындан тышкары, 20-ноябрга чейин Ереван Бакуга Агдамга аймагын өткөрүп бериши керек.

- Тоолуу Карабахтагы байланыш линиясынын боюна жана Лачин коридоруна Орусиянын 1 миң 960 куралчан аскерлери, 90 аскер унаасы жана 380 башка техникалар менен тынчтыкты сактоо үчүн жайгаштырылат;

- Келишимдердин аткарылышын көзөмөлдөө максатында, тынчтыкты сактоо борбору жайгаштырылып, ок атышпоо режимине көз салынат;

- Жакынкы үч жылда Степанакерт шаары менен Армениянын ортосундагы байланышты камсыз кылган Лачин коридору боюнча жаңы трассанын курулушунун планы аныкталууга тийиш. Андан кийин бул маршрутту коргоо үчүн Орусиянын тынчтык орнотуучу аскерлери кайра жайгаштырылат. Ошол эле учурда Азербайжан Лачин коридору боюнча транспорттук байланыштын коопсуздугуна кепилдик берет;

- Ички жер которгон адамдар жана качкындар БУУнун Качкындар боюнча жогорку комиссарынын көзөмөлү астында Тоолуу Карабахка жана анын тегерегиндеги аймактарга кайтып келе алат;

- Аймактардагы бардык экономикалык жана транспорттук байланыштар бөгөттөн чыгарылышы керек. Ошол эле учурда, Армения Азербайжандын батыш аймактары менен Нахичеван автономиясынын ортосундагы транспорттук байланышты камсыз кылууга милдеттендирилет. Буга Орусиянын чек арачылары көзөмөл кылат.

Армениянын премьер-министри Никол Пашинян бул келишимди өзү үчүн өтө оор чечим деп атап, бирок андан башка жол жок экендигин белгилесе, Азербайжандын президенти Ильхам Алиев бул келишимдер Карабах жаңжалын жөнгө салууга чекит койгонун билдирген.

Учурда Армения жарандары бул чечим үчүн нааразычылыгын билдирип, парламент имаратын басып алышты. Алар согушту улантууну талап кылып жатышат.

Автор: Азат Бейшенбеков

10:50 10-11-2020

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 636 0

00:36 2025-05-16 | Түркүн дүйнө

Франция Иранды Эл аралык сотко берет 509 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 413 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 1292 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 859 0

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 655 0

Архив

Комментарийлер (4)

al-abu-kinesz

2020-11-10 11:09:19

Мен тушунбодум булардын ички сырткы политикасына, бирок баарына каршымын! Карабах-Карабах, Армения-Ереван, Азербайжан-Баку, мен каршымын деп плакатка жазып алып ачкачылык жарыялап ак уйдун алдындагы кемпирлердин катарына отуруп алсам окшойт.

Pankration_MMA

2020-11-10 11:35:56

Орус ушул жергеда мурдун тыгып жүрөт.

-5

Alia82

2020-11-10 11:47:51

Pankration_MMA,орус мурдун тыкпаса кырылып калышсынбы, Путиндин гана созу отот бул жерде, авторитет!

bema_bema

2020-11-10 12:01:04

Жараштырып койгон жакшыда,канчалаган жонокой жарандар, кичинекей балдарды ракета менен жардырып атат.

+11

Комментарий калтыруу үчүн өз ысымыңыз менен кириңиз же каттоодон өтүңүз.