super.kg logo

"Айрым жумуштардын баасы 1 миллион сомдон ашуун каражатка жогорулатылган". Бишкектеги "Балалык" парктын курулуш иштерин жүргүзүүдө мыйзам бузуу аныкталды

 

Бишкек шаарынын прокуратурасы тарабынан “Балалык” паркынын курулуш-монтаждык иштерин жүргүзүүдө мыйзам бузуу аныкталды.

Анда Бишкек шаарынын мэриясынын Капиталдык курулуш башкармалыгынын конкурстук комиссиясы тарабынан “Балалык” паркы боюнча курулуш-монтаждык иштерин жүргүзүүдө, “Ак-Ниет Курулуш” ЖЧКсын жеңүүчү деп табуунун мыйзамдуулугу боюнча текшерүү жүргүзүлгөн дешти мекеменин маалымат кызматынан.

"Мамлекеттик сатып алуулар мыйзамдарынын талаптарын бузуу менен “Ак-Ниет Курулуш” ЖЧКсынын лицензиясындагы аткарылуучу иштердин тизмесинде суу менен камсыздоо, канализация, электр менен камсыздоо жана башка иштерин аткарууга мүмкүнчүлүк жок болгондугуна карабастан, ишкана жеңүүчү деп табылып, аны менен белгиленген иштерин аткаруу боюнча тиешелүү келишими түзүлгөн. Мындан сырткары аткарылган иштердин актыларын текшерүүдө, айрым жумуштардын баасы 1 миллион 43 миң 887 сомго жогорулатылгандыгы тастыкталган.

Бишкек шаарынын мэриясынын Капиталдык курулуш башкармалыгынын кызмат адамдарынын алдын ала сүйлөшүп, өзүнө жана башкаларга пайда табуу максатында кылган мыйзамсыз иш аракеттеринен улам мамлекетке зыян келтирилген. Жогорудагы иш боюнча жагдайларды ар тараптуу жана объективдүү изилдөө үчүн 234-беренесинин 2-бөлүмүнүн 1-пунктунда жана 320-беренесинин 2-бөлүмүндө көрсөтүлгөн кылмыш белгилери менен Кылмыштардын жана жоруктардын бирдиктүү реестрине катталып, тергөө иштери жүргүзүлүүдө", - дешти мекемеден.



 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
155915;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: