"Даңазалуу доор" тасмасындагы Хюррем америкалык сүйүктүүсүнө турмушка чыгат

"Даңазалуу доор" тасмасында Хюррем Султандын ролу менен белгилүү болгон түрк актрисасы Мерием Узерли америкалык сүйүктүүсүнө турмушка чыгат. Бул тууралуу чет элдик басылмалар жазып чыгышты.

Түрк ЖМКлары актрисанын "кызыктуу" позициясы жөнүндө жазган маалыматына ылайык, Мерием Узерли ушул жылдын жай мезгилинде америкалык жаңы сүйүктүүсү менен мамиледе болуп келген жана алар Үйлөнүү тоюн мыйзамдаштырууну чечишкен. "үйлөнүү үлпөтү жай мезгилинен бери пандемияга байланыштуу жылдырылып келе жатат. Эми кандай гана жол менен болбосун үйлөнүүнү көздөп жатабыз", - деп билдирген актриса.

"Мерием Узерлинин биринчи жолдошу түрк ишкери Жан Атештен Лара аттуу кызы бар. Актриса кызы төрөлөрдөн бир нече ай мурун ажырашкан", - деп жазылат маалыматта.

Автор: Гүлдана Мамадали кызы