"Почтадагы пайдаланылбаган файлдар өчүп калат". Google эми жаңы функция киргизет

Google сервиси почтада колдонулбаган файлдарды "Google дисктен" өчүрүп салат. Бул тууралуу дүйнөлүк басылмалар жазып чыгышты.

Маалыматка ылайык, почтадагы файлдар өчүп калбоосу үчүн расмий колдонмону маал-маалы менен ачып туруу керек.

Маалыматтарды активдүү абалда сактоонун эң оңой жолу - тез-тез Gmail, "Google сүрөт" жана "Google диск" веб-нускасы же расмий Google колдонмосу аркылуу кирип туруу зарыл.

Кызматты иштеп чыгуучу компания файлдарды өчүрөрдөн эң аз дегенде үч ай мурда email аркылуу билдирүүлөрдү жана эскертмелерди жөнөтөрүн белгилейт.

"Мындай эреже 2021-жылдын 1-июнунан баштап күчүнө кирет. Ошол убакыттан тарта колдонуучулар эки жылдан ашык убакыттан бери пайдалана элек сервистердин маалыматтары жок кылынат", - деп жазылат маалыматта.

Автор: Гүлзина Каныбекова