Социалдык тармактарда Ош шаарында унаасы менен тепкичти талкалай айдаган айдоочунун видеосу тараган. Ал айдоочуга карата айып пул салынат. Бул тууралуу Ош шаардык мэриясынын басма сөз кызматынан Азамат Абсаттаров билдирди.
Азамат Абсаттаров өзүнүн фейсбук баракчасына "бир жагын оңдосоң, бир жагын талкалап. Бул айдоочуга чара көрүш керек", деп жазып, видеосун тиркеген.
Анын айтыманда, бул тепкич Токтогул жана Навои сейил багына жана футбол академиясына алып баруучу тепкич.
"Бул айдоочу мурда милицияда иштеген экен. Бүгүнкү күндө милицияда иштебейт. Айып пул салышат. Жакшы, былтыр жаңыдан оңдолгон тарабына айдабаптыр. Кантсе да туура эмес иш кылды. Айдоочу тууралуу дагы да кошумча маалымат берилет", - деп билдирди Азамат Абсаттаров.