Орусиялык ырчы Полина Гагарина ажырашуу үчүн арыз бергени айтылды

Орусиялык ырчы Полина Гагарина жолдошу Дмитрий Исхаков менен ажырашуу үчүн расмий түрдө арыз жазды. Бул тууралуу аталган өлкөнүн басылмалары жазып чыгышты.

Жазылган маалыматка ылайык, ырчы Полина Гагарина расмий түрдө арызын Люблинский райондук сотуна тапшырып, учурда өндүрүш иши башталган.

"Жылдыздуу түгөйлөр ажырашуу тууралуу жарым жыл мурда эле айтып келишкен. Бирок маалымат буга чейин расмий түрдө тастыкталган эмес. Ал эми алардын мындай кадамга баруусуна эмне себеп болгону ачыкталган эмес", - деп жазылат маалыматта.

Полина Гагарина жана Дмитрий Исхаков бирге 6 жылга жакын жашады. Түгөйлөрдүн 3 жаштагы кызы бар.

Автор: Айжанар Рыспек кызы