Эңилчек жайлоосунда 2 адамды өлтүргөнгө шектелип жаткан кароолчу. Экспертиза ал өзү-өзүн башка атып каза тапканын аныктады

2019-жылы Ысык-Көлдө 2 адамды өлтүргөнгө шектелип жаткан кароолчу Сергей Смирновдун жансыз денеси ушул жылдын апрель айында табылган. Жансыз денеге жасалган экспертизанын жыйынтыгында Смирнов өзүн-өү атып каза тапканы аныкталган. Бул тууралуу облустук милициядан билдиришти.

"Шектүүнүн жансыз денеси 9 айдан кийин тоодон табылган. Жанынан ок атуучу курал (карабин) алынган. Ал өз өмүрүнө кол салып, тактап айтканда, өзүн-өзү башка аткан", - деди басма сөз кызматынан.

Окуянын чоо-жайы:

2019-жылдын 4-июлунда Түп айылынын тургуну 29 жаштагы Сергей Смирнов Вепрь үлгүсүндөгү ок атуучу курал менен Эңилчек жайлоосунда жайгашкан "Хан-Теңири" лагеринин директорунун орун басары А.Д.ны жана аталган жерде ар кандай жумуштарда иштеген М.К.ны атып өлтүргөн. Мындан сырткары ошол жерде иштеген Л.И.ни барымтага алып, кийин кайра коё берген.