Голливуд актёру Том Круз космоско учууну пландап жатат

Голливуд актёру Том Круз «Миссия: невыполнима» сериясынын финалдык бөлүгүн тартуу үчүн космоско учууну пландап жатат. Бул тууралуу чет элдик маалымат каражаттары жазып чыгышты.

Маалыматка ылайык, актёр өз планын ишке ашыруу үчүн ири суммадагы акча коротууга даяр жана буга чейин АКШнын Улуттук Аэронавтика жана Космос башкармалыгынын (НАСА) өкүлдөрү менен сүйлөшүүлөрдү жүргүзүп жатат. Алар өз кезегинде Крузду бул миссияны ишке ашырууга болот деп ишендиришкен.

Май айында миллиардер Илон Масктын SpaceX компаниясы космосто дүйнөдөгү биринчи боевик киносун Круздун катышуусу менен тартууну чечкени белгилүү болгон. Алгачкы өнүгүү баскычында турган долбоорго НАСА дагы катышкандыгы белгиленди.

"Миссия: невыполнима" сериясынын жетинчи жана сегизинчи бөлүктөрүн чыгаруу пландалууда. Алар франчайзингдеги акыркы тасмалар болот. Ал эми аталган фильмди коомчулукка 2021-2022-жылдары чыгаруу пландаштырылган, бирок коронавирус пандемиясынан улам качан чыгары белгисиз бойдон калууда.

Автор: Алина Айдарбекова