Бүткүл дүйнөлүк ыктыярчылар күнүнө карата активдүү ыктыярчылар сыйланды (фото)

5-декабрь бүткүл дүйнөлүк ыктыярчылар күнү менен бир катар ыктыярчылар сыйланды. Бул тууралуу Бишкек шаардык мэриядан билдиришти.

Маалыматка ылайык, активдүү ыктыярчыларга ыраазычылык катты социалдык маселелер боюнча вице-мэр Айжан Чыныбаева тапшырды.

"Активдүү ыктыярчыларды бүткүл дүйнөлүк ыктыярчылар күнү менен куттуктайбыз. Ар бириңиздерге жана команданын мүчөлөрүнө жакшы иштери үчүн чын жүрөктөн ыраазычылыгыбызды билдиребиз. Биз сиздер менен сыймыктанабыз", - деп жазылат билдирүүдө.

Аталган сыйлык менен Кыргыз Республикасынын Эмгек сиңирген артисти Алтынай Нарбаева, ырчылар Бактыгүл Бадыева, Анжелика, менеджер Миргүл Эсеналиева жана башкалар сыйланды.

Автор: Гүлзина Каныбекова