"Ал туталанып ачуу сөздөрдү айтты". Дональд Трамп Жо Байдендин инаугурациясы күнү Ак Үйдөн кетүүдөн баш тартат

АКШнын учурдагы президенти Дональд Трамп жаңы шайланган президент Жо Байдендин инаугурациясы күнү Ак Үйдөн кетүүдөн баш тарта тургандыгын билдирди. Бул тууралуу анын кеңешчилеринин айтканына таянып, чет элдик маалымат каражаттары жазып чыгышты.

"Трамп шайлоочулар коллегиясынын добуш берүүсүнөн кийин АКШнын лидерин шайлоодо утулгандыгын ачык моюнуна алууну көздөбөгөнүн билдирген. Мындан тышкары, Трамп айрым кеңешчилерине инаугурация болгон күнү Ак Үйдөн кетүүдөн баш тарта тургандыгын, ал эми Жо Байденди тепкич менен гана алып чыгышарын айткан.

Ошондой эле Трамптын кеңешчилеринин бири "Ал туталанып (каргыш тийсин) ачуу сөздөрдү айтты" деген. Анын бул кадамы айрым кеңешчилерин тынчсыздандырат, бирок алардын айрымдары чын эле ушундай болот деп ишенишет.

Ал эми Ак Үйдөгүлөр бул маалыматка эч кандай комментарий берген эмес", - деп жазылат маалыматта.

Автор: Алина Айдарбекова