"Топоздор менен". Франциялык жаран Эверест тоосунан 8 жарым тонна таштанды жыйнады

Франциялык жазуучу жана альпинистка Марион Шайньо-Дюпюи 8 миң 848 метр бийиктеги Эверес чокусунан 8 жарым тонна таштанды чогултту. Бул тууралуу чет элдик маалымат булактарында жазылды.

Маалыматка ылайык, Марион Шайньо-Дюпюи үч жыл мурда "Таза Эверест" аттуу долбоор баштаган. Анын максаты бийик чокуну жыл бою чогулган таштандыдан арылтуу болгон. Үч жылдын ичинде Марион 8 жарым тонна таштанды топтогон.

Акыркы 17 жылдан бери Марион тоолордо гид катары иштеп келет. Бул анын бала чагынан берки кыялдарынын бири болгон. Ал Эверест чокусуна 2013-жылы чыгып, 30 жылда канчалык деңгээлде булгангандыгын көргөн.

Андан соң тоонун чокусунан таштандыны алып түшүү үчүн Марион жана анын командасы жергиликтүү бийликтен 50 топоз алышкан. Мариондун миссиясы бир эле айлана-чөйрөнү таштандыдан арылтуу эмес, ошол аймакта жашагандардын жашоо сапатын жакшыртуу дагы болгон.