"Батирлеп жашагандан чарчадым". Казакстанда 8 жашар кызын ич кийимчен эшикке чыгарып койгон аял үн катты

Казакстандык теле алып баруучу Динара Сатжан 8 жаштагы кызын ич кийимчен көчөгө чыгарып жиберген аялга жолугуп, сүйлөшкөнүн Инстаграм баракчасына жазды.

"Кыздын апасы өкүнүп жатат. Сабак алдым. Жетишпеген турмуштан, батирлеп жашагандан, ар дайым жумуш издөөдөн чарчадым. Кошунанын кир кыпчыткычтарын алып ойногондугу үчүн балдарыма ачууланып кеттим. Мен алардын башка бирөөнүн буюмун алышын каалабайм. Мындан ары андай кылбоо керектигин түшүндүрүү үчүн эшикке чыгарып жибердим деп", - айтканын алып баруучу жазып чыккан.

Ошондой эле Динара Сатжан бул үй-бүлөнүн кандай шартта жашагандыгын кошумчалап, балдарды ата-энесинен ажыратпоо керек экендигин айткан.

"Кыздын үй-бүлөсү эски вокзалдын жанындагы эки бөлмөлүү жатакананын бир жагында турушат. Бул үй-бүлөнүн төрт баласы бар. Бул окуя азыр абдан иликтенип, тийиштүү органдар тарабынан каралып жатат. Эч кимди күнөөлөгүм келбейт. Балдардын апасын түшүнгүм келип жатат. Балким ал да ушундай тарбия көргөн.Ошол себептүү да бала тарбиялоодо башка ыкмаларды колдонууну билбейт чыгар. Ата-энесин балдарынан ажыратпай эле койгон дурус. Баары эле аябай жаман эмес, алар балдарын жакшы көрөт",- дейт Сатжан.

Эске салсак, интернетке кичинекей кыздын ич кийимчен сыртта отурган сүрөттөрү жарыяланган. Кийин анын Казакстандын Нур-Султан каалаасында болгондугу аныкталган. Кичинекей кыз иниси менен кошунанын кир кыпчыткычтарын уруксатсыз алып ойногондугу үчүн апасы аны жазалоо максатында сыртка чыгарып койгон.

Автор: Гүлзада Абдырахманова

12:43 25-12-2020

Жазылуу

РУБРИКАДАГЫ СОҢКУ КАБАРЛАР

00:18 2025-05-19 | Түркүн дүйнө

Журналист Аргентинанын президентинин бетине микрофонун тийгизип алды (видео) 513 0

17:57 2025-05-18 | Түркүн дүйнө

Сомалиде жанкечтинин жардыруусунан кеминде 11 киши набыт болду 875 0

17:23 2025-05-18 | Түркүн дүйнө

Зеленский менен АКШнын вице-президенти жылуу учурашышты (видео) 1461 0

16:35 2025-05-18 | Коом жана турмуш

Өлкөдө 1200дөн ашык аялга Эне даңкы медалы берилет 758 0

16:28 2025-05-18 | Коом жана турмуш

Өлкө боюнча 1413 аял Баатыр эне ордени менен сыйланат 638 0

16:07 2025-05-18 | Коом жана турмуш

Мурдагы өкмөт башчы Сапар Исаковго чыгарылган сот өкүмү жокко чыкканы айтылууда 2262 0

Архив

Комментарийлер (10)

Aliza_96

2020-12-25 12:56:06

Жетишпеген турмуш,акча, уй....эххх((( жашоодо эээн негизги нерселер булар эмес да...

+10

Almazhhhh

2020-12-25 12:56:24

Элдин баары эле батирлеп жашап журот.Сабырдуулук да керек!Балдарга меермин токсон кудайым ырыскыны бир куну толтура берет.

aiba.20201234567

2020-12-25 13:02:45

Не казактарда жокпу акча чогултуп уй алперип койгула да .

Asmat84

2020-12-25 14:20:26

Баланы ата энеден ажыратып салыш эле оңойбу 9 ай омурткасы сыздап көтөрдү андан кийин түн уйкусун бузуп чоңойтту. Баласына эч бир ата эне жамандык каалабайт. Болгону жакшы болсун деп ар кандай жолдор менен жазалайт. Ошону көбүртүп жабыртып чыгарган адам күнөөлүү же силер ата энеңерден эч бир токмок жебей чоңойдуңар беле?

al-abu-kinesz

2020-12-25 15:15:02

Бурчка колун которуп тургузуп койгондон откон жаза жок балдар учун

-1

Kyrc...

2020-12-25 16:01:03

Озун акылдуу,боорукер корсотом деп бир уй-булоону бузган блогерлер. Бизге караганда апасы мин эсе окунуп атат.

Suuluwka9686

2020-12-25 21:31:08

Баланы ата энеден ажыратпаш керек. Кандай кундо да ата эне балам деп жащайт, аны ажыратканда башка бироо жакшы карамак беле.

Aimani

2020-12-26 00:59:50

Башкача жазаласын,колго чапсын бирөөнүн буюмун алба деп.бирок кыз баланы суукта жылаңаяк эшке чыгарып койгон болбойт.кийин төрөбөй калсачы.бут жашоосуна таасир тийгизет.

Raihan0602

2020-12-26 10:45:57

Карда жылаңач бутунда да эч нерсе жок ооруп калса азабын өзү тартат да мүмкүн уже ооруп да калды.Кыпчыткыч бул жөн гана шылтоо сабырдуу бололу элим.

Tiken

2020-12-26 12:30:24

Балдарды бага албагандан кийин аларды торобой эле койгулачы дегим келип жатат ушундай акмак ата-энелерге. Кыйналсанар бала жаратпагыла, торобогуло, озунор кыйналган эле жетишет, озунорду бага албасанар неге алардын убалына калып торойсунор!!! Баланы жарык дуйного алып келген сон жоопкерчилик алгыла ата-эне!!! Болбосо кордобой туруп бергиле балдар уйуно!!!

Комментарий калтыруу үчүн өз ысымыңыз менен кириңиз же каттоодон өтүңүз.