Ошто жактоочу пара алып жаткан жеринен кармалды

Ошто жактоочу пара алып жаткан жеринен кармалды. Бул тууралуу УКМКнын маалымат кызматынан бүгүн, 25-декабрда кабарлашты.

Белгилүү болгондой, 24-декабрда Кылмыштардын жана жоруктардын бирдиктүү реестрине 326-берененин 2-бөлүмү (пара талап кылуу) менен катталган сотко чейинки өндүрүштүн алкагында, Ош облусундагы Өзгөн районунда талап кылган акча каражатынын бир бөлүгүн (40 миң сом) алып жаткан жеринен А.К. аттуу жактоочу кармалды.

"Кармалган жактоочу мүлк талашына байланыштуу жарандык иш боюнча маселени оң жагына чечип берүү максатында Өзгөн райондук сотунун судьясына берүү үчүн 120 миң сом өлчөмүндө акча каражатын талап кылган. Сотко чейинки өндүрүштүн алкагында аталган соттун катыштыгын аныктоо боюнча тергөө-оперативдик иш-чаралар жүргүзүлүүдө", - дешти мекемеден.

Автор: Бактыгүл Момбекова