Кыргыз Республикасынын Эл артисти Султан Каримов 5 жылдан бери кант диабети менен күрөшүп келет. Учурда ал операция жасатууга муктаж.
Артисттин айтымында, ал буга чейин үйдөн эле тиешелүү дары-дармектерди ичип, ийнелерди сайдырып жүргөн.
"Дарт быйыл эле күчөп кетти. Ооруп жатканымды Ассоль Молдокматова угуп, мындай болбой турганын айтып, коомчулукка чыгарды. Эл өзү кыйналып жатса кантип жардам сурамак элем деп тартынасың да", - дейт ал.
Султан Каримовго 2015-жылы кант диабети, панкреатиттин оор формасы, пиелонефрит, полиартрит жана артроз, муундардын оорусу диагноздору коюлган. Учурда ал кант диабетинин 1-тиби менен жабыркап, тез аранын ичинде чет өлкөдөн операция жасатууга муктаж.
Жардам берүүнү каалагандар ЭЛСОМ аркылуу каражат которсо болот.