Бишкектеги цехтен чыккан өрттөн ишкананын 320 чарчы метр аянты күйүп кетти

Бишкектеги цехтердин биринен чыккан өрттүн келип чыгуу себеби жана материалдык чыгымдары такталууда. Бул тууралуу ӨКМнын маалымат кызматынан кабарлашты.

Маалыматка ылайык, кечээ, 27-декабрь күнү саат 16:55те Бишкек шаарындагы Матросов №1А дарегинде жайгашкан матрас чыгаруучу цехтен өрт чыгып, жалпы 320 чарчы метр аянт күйгөн.

"Өрттү өчүрүүгө жалпы 4 бөлүм, ыкчам топ, 1 бригада, ИИМден 1 экипаж жана "Тез жардам" кызматы тартылып, өрт саат 18:43тө толук өчүрүлгөн. Учурда келтирилген материалдык чыгымдар жана өрттүн келип чыгуу себеби такталууда", - деп билдиришти мекемеден.

Автор: Гүлдана Мамадали кызы