"Тизме көтөргөн аялдар жүрөт". Оштогу шайлоо тилкелеринин бириндеги байкоочу эреже бузулуп жатканын айтты

Ош шаарындагы №5276 участкасында шайлоо башталганда эле мыйзам бузуу менен башталгандыгын аталган тилкеде байкоочулук кызматты аткарып жаткан Асылкан Кубанычбекова билдирди.

"Мыйзам бузуулар шайлоо башталганда эле болду. Бюллетень салынуучу урналарда пломб жок. Шайлоо участканын мүчөлөрү урнаны каалагандай эле ачып-жаап жатышат. Тилкенин айланасында шайлоочулардын тизмесин көтөргөн топтошкон аялдар жүрөт. Мыйзам бузуулардын көптүгүнөн акт жазган кагазыбыз калбай калды", - дейт Кубанычбекова.

Белгилей кетсек, бүгүн, 10-январда өлкөбүздө президенттик шайлоо менен бирге эле өлкөнүн башкаруу формасын аныктоочу референдум өтүп жатат.