"Каза болгондордун эң жашы 20 жашта". АКШда белгисиз эркек киши тарабынан чыгарылган октон 5 адам каза болду

АКШнын Иллинойс штатында белгисиз эркек киши тарабынан чыгарылган октон 5 адам каза болду. Бул тууралуу дүйнөлүк басылмалар жазышууда.

Автомобиль полиции Чикаго, США - РИА Новости, 1920, 10.01.2021

"5 адамдын өмүрүн алган каргашалуу окуя Чикаго жана Эвенстон шаарларында болуп өттү. Аткычтын алгачкы курмандагы Чикаго университинин студенти болгон. Каза болгон студент 30 жашта болгону маалым. Кылмышка шектүү аны унаасында отурган жеринен аткан. 10 мүнөттөн кийин кылмышкер кайрадан ок чыгарып, андан кароолчу болуп иштеген адам менен 77 жаштагы аял киши каза тапкан. Аткыч муну менен токтоп калбастан шаардагы дүкөндөрдүн бирин карактап, 20 жаштагы жаш баланы аткан жана ал ошол жерден көз жумган. Ошол эле дүкөндөгү 81 жаштагы аял кылмышкердин огунан оор жаракат алып, ооруканага жеткирилген.

Андан кийин кылмышкер апасы менен унаада кетип бара жаткан 15 жаштагы өспүрүм кызга ок чыгарган. Учурда өспүрүм оор абалда ооруканада жатат. Мындан тышкары Эвенстон шаарында жайгашкан ресторандардын бирине барган аткыч бир аялды туткунга алат. Натыйжада туткун аял башына тийген октон улам ооруканада көз жумат. Кылмышкер Эвенстан шаарында полиция менен болгон атышуудан кийин жаракат алып, ооруканага түшөт. Дарыгерлер аны сактап кала алган эмес. Бүгүнкү күндө кылмыштын мотиви тууралуу маалымат бериле элек", - деп жазылат маалыматта.

Автор: Бактыгүл Султаналиева