super.kg logo

Чүйдөгү 4 адам иске ууланган окуя: Өрттөн дагы 13 адам куткарылды

 

Чүй облусунда 11-январь күнү саат 21:50 чамасында Сокулук районунун Шопоков шаарындагы Жаңы конуш тилкесиндеги батирден өрт чыгып, аянты 10 чарчы метрди түзгөн бөлмө күйгөн.

Маалыматка ылайык, Өзгөчө кырдаалдар министрлигине аталган аймактагы үч кабаттуу үйдүн 2 батири күйүп жатат деген маалымат түшкөн. Жерине өрт өчүрүү-куткаруу бөлүгүнүн кызматкерлери барышып, өрттү өчүрүү жана үстүңкү кабаттагы батирлердин жашоочуларын куткаруу иштерин баштаган.

"Өрт кырсыгынан төрт киши жабыркаган, алар коңшу батирдин жашоочулары болгон. Иске 4 адам (2 эркек - 1976-жылы туулган, 1930-жылы туулган, 2 кыз - 2008-жылы туулган, 2005-жылы туулган) ууланган, күйүк алгандар жок. Жалпы куткарылган кишилердин саны 13. Батирдин жашоочулары куткаруучулардын жардамы менен шаты аркылуу сыртка чыгарылган. Өрттүн келип чыгуу себеби такталууда", - дешти мекемеден.

Өрт саат 22:20да чектөөгө алынып, 23:20да толугу менен өчүрүлгөн. Өрт өчүрүүгө 2 өрт өчүрүүчү автоунаа, 1 авариялык куткаруу автоунаасы, 9 өрт өчүрүүчү-куткаруучу кызматкер тартылган.






 
Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.


 Рубрикадагы соңку кабарлар 

Рейтинг: Рейтинг 0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
159262;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: