Жо Байдендин инаугурациясында белгилүү актёр Том Хэнкс алып баруучулук кылат

АКШнын Конгресси тарабынан президент болуп бекитилген Жо Байдендин инаугурациясы 20-январда өтөт. Анын ант берүү салтанатын белгилүү актёр Том Хэнкс алып барары белгилүү болду.

Чет элдик басылмалардын маалыматына ылайык, инаугурациялык комитет Байдендин ант берүү иш-чарасы онлайн форматта өтөт. Пандемияга байланыштуу адаттагыдай салттуу жүрүш, майрамдык кече бул ирет болбойт. 90 мүнөткө созулган атайын программа тартылып, Жо Байдендин ант берүүсү жана элге кайрылуусу эфир аркылуу көрсөтүлөт.

7-январга караган түнү Вашингтондо Трамптын тарапташтары Капитолийди басып алып, полиция менен башаламандык уюштургандардын ортосунда кагылышуу болгон. Жыйынтыгында төрт адам каза тапкан.

Автор: Бактыгүл Момбекова