Индонезияда жер титирөө катталып, 26 адам каза болду

Индонезияда жер титирөө катталып, андан каза болгондордун саны 26га жетти. Бул тууралуу чет элдик басылмалар жазып чыгышты.

Маалыматка ылайык, Индонезиянын Мадмужу шаарына жакын Сулавеси провинциясында 14-январда күчү 6,2 баллга жеткен жер титирөө катталып, 26 адам каза болуп, 600дөй адам ар кандай жаракаттарды алышкан.

Мындан улам 2 миңге жакын адам үйлөрүн таштап кетүүгө аргасыз болушкан. 60 имарат, анын ичинде мейманкана жана жергиликтүү губернатордун кеңсеси талкаланды. Оорукана кыйрап, андагы ондон ашык бейтаптар менен дарыгерлер эвакуацияланганы жазылат маалыматта.

Автор: Гүлдана Мамадали кызы