Балбак Түлөбаев маршруттук таксилердин айдоочулары менен жолугуп чыкты

Бүгүн, 19-январда саат 14:30да Бишкек шаарынын мэринин милдетин аткаруучу Балбак Түлөбаев маршруттук каттамдын айдоочулары менен жолугуп чыкты.

Андан соң журналисттердин суроолоруна жооп берүүдө.

"Мен аларга "1 жарым миллион кишини 1 жарым миң адам азапка салып жатасыңар" деп айттым. Бирок айдоочулар "биз көп деле суранган жокпуз, 8 жылдан бери жол кирени кымбаттаткан жок элек, эми көтөрүп бергиле, үй-бүлөнү бага албай калдык" деп жатышат", - деди Балбак Түлөбаев.

Буга чейин бүгүн, 19-январда саат 14:30да Бишкек шаарынын мэринин милдетин аткаруучу Балбак Түлөбаев маршруттук каттамдын айдоочулары менен жолугушуу өткөрө турганы маалымдалган.

Автор: Айсалкын Качкынбекова