Чыгармачылыкка аралашканына дээрлик 23 жыл болгон Ильяз Абдыразаков бүгүн 33 жашка толду

Сахнада жүргөнүнө дээрлик 23 жыл болгон эстрада ырчысы Ильяз Абдыразаков бүгүн, 21-январда 33 жашка толду. Ырчы туулган күнүн жакындары менен тосуп жатканын айтты.

"Туулган күнүмдү үй-бүлөм, досторум менен биргеликте тар чөйрөдө өткөрөм. Чоң салтанат кылууну пландаган жокмун. Куттуктоолор 21-январга караган түнү эле башталды", - дейт ал.

Ильяз Абдыразаков 1988-жылы Баткендин Кызыл-Кыя шаарында туулган. Ыр дүйнөсүнө кызыгуусу ата-энесинен өткөн. Анткени экөө тең музыкага жакын адамдар болгон. Атасы гитарада жакшы ойносо, ал эми апасы убагында мектепте музыкадан сабак берген.

Ильяз кичинесинен ыр жандуу болуп, өз алдынча обон чыгарууга аракеттенип жүргөнүн маектеринин биринде айтканы бар. Ошол кызыгуусу түрткү болуп, 6-класстан баштап аранжировка жасаганга аралаша баштаган. Бир концертте аранжировщик Мирлан Ниязов менен таанышып калып, аны ээрчип шаарга келе берген. Ошентип аранжировка боюнча алгачкы сабактарды ала баштаган. Кийин Мирбек Атабеков, Азиз Жетигенов менен "Санат" тобунда иштеп, ырдап калат. Топко караганда жеке чыгуу оңой экенин байкап, өз алдынча иштей баштаган. Өз өнөрү менен көптөгөн хит ырларды жараткан Ильяз Абдыразаков кыргыз эстрадасында өз ордун таап, атагы коңшу өлкөлөргө да тараган. Азыркы учурда анын ырларынын көбүн казак ырчылары которуп ырдап жүрүшөт. Жазган ыр, обондорунун санын эсептеген эмес.

Сахнага алгачкы жолу 1998-жылы Ошто Абдумалик Шерматов менен биргеликте 5 күндүк концертте чыккан. Ал маектеринин биринде: "Ырчылык кесипти тандаганыма өкүнбөйм. Анткени өзүмдү кеңседе отуруп алып иштеген кызматкер катары элестете албайм", - деген.

Ырчы 2010-жылы Медина аттуу сулууга баш кошкон. Учурда жубайлар 2 уул, 1 кызды тарбиялап келишет.

Белгилей кетсек, Ильяз Абдыразаков "Супер-Инфо" гезитинин тандоосу боюнча "2006-жылдын мыкты аранжировкачысы", "2010-жылдын супер ырчы мырзасы", "2011-жылдын сахна адамы" наамдарынын ээси болгон.

21-январга карата жылнаама.

Автор: Бактыгүл Момбекова

00:50 22-01-2021

Жазылуу

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 946 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 832 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3549 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1029 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1744 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 642 0

Архив

Комментарийлер (10)

nazira...

2021-01-21 19:11:21

Өлө жагат ушу бала, молодец. Башкаларга окшоп өзүн эч качан пиарлабайт,Өнөрүнү твртуулап, жаны ырларды ырдап чыга бер. Бвлдарын менен бактылуу бол. Сен эл артиси наамына татыктуусун. Изденип иштей бер, буюрса болот баары.

+12

nazira...

2021-01-21 19:17:06

Наркы шайтандын сөздөрүн айтып сөгүнгөн балдардан алыс жүр, сенин кругундагы балдар эмес. Ийгилик ишине.

PFC-CSKA

2021-01-21 20:20:01

Чыныгы мааданият адамы! туулган кунун менен!Ден соолукта бол!

Baktyluu_bolgum_kelet

2021-01-21 20:29:17

Кызы красавица экен.Бактылуу болуңуз.

Lordbek

2021-01-21 20:36:08

Азыркы ырчылардан кыйла өйдөө заманга жараша болот экен ырчылар да

Kari

2021-01-21 23:36:46

Соз таппай каламын да ушундай.Бир башкача адам да.Онору,таланты,жылмайып кулгону,уну,обону баары баары адамды озуно тартып турган озгочо инсан да.Мен атасын билет элем,онорлуу инсан эле.Уй булоон менен бактылуу бол.Таланттын ташкындай берсин.

Almankg

2021-01-22 00:18:32

Kari,Туулган кунун менен

orun

2021-01-22 03:51:09

Almankg, Kari нин туулган күнү эмес да, Иляз Абдразаковдун туулган күнү.

Almankg

2021-01-22 00:17:23

Азаматсын туулган кунун менен

erkekyz1

2021-01-22 09:06:06

Бир кездерде мен сүйгөн, мен жактырган ырчы жигит, туулган күнүңүз менен. Үй-бүлөөңүз менен ар дайым бактылуу, ден соолукта болуңуз!

Комментарий калтыруу үчүн өз ысымыңыз менен кириңиз же каттоодон өтүңүз.