Филармониянын алдына митингге чыккан Абдил Сегизбаевдин тарапташтарын жана жубайын Ленин РИИБине алып кетишкени айтылды

Эки айга камакка алынган УКМКнын мурдагы төрагасы Абдил Сегизбаевдин тарапташтары жана анын жубайы Филармониянын алдына митингге чыгып, аларды Ленин РИИБинин кызматкерлери кармап кеткенин Сегизбаевдин Фейсбуктагы баракчасына жарыяланды.

Учурда тийиштүү органдар бул боюнча комментарий бере элек.

Ал эми кечээ, 27-январда Биринчи Май райондук соту аны УКМКнын СИЗОсуна 25-мартка чейин камакка алган.

25-январда Башкы прокуратура менен Аскер прокуратурасынын сотко чейинки өндүрүштүк иштеринин жүрүшүндө Абдил Сегизбаев кармалган. Ал Бишкек ШИИББинин убактылуу кармоочу жайына киргизилген.

Автор: Айсалкын Качкынбекова