Бишкектин мурдагы мэри Албек Ибраимов мамлекетке 893 миллион сом зыян келтирген деп айыпталууда

Бишкек шаарынын мурдагы мэри Албек Ибраимовго карата дагы бир кылмыш иши ачылды. Бул тууралуу Башкы прокуратуранын маалымат кызматынан кабарлады.

Маалыматка ылайык, Ибраимов "Манас" эл аралык аэропортун жетектеп турганда мамлекетке 893 миллион сом зыян келтирген деп айыпталууда.

"Транспорт прокуратурасы чет элдик “Gata Airlines” компаниясына эл аралык каттамдар жана жүк ташуу үчүн жеңилдиктерди берүүдө "Манас эл аралык аэропортунун жооптуу кызматкерлери мыйзам бузганын аныктаган.

Аталган чет элдик компанияга мыйзамсыз жеңилдиктерди берүүнүн натыйжасында, "Манас" Эл аралык аэропорту 2016-жылдын 1-июнунан 2020-жылдын 1-ноябрына чейинки аралыкта жогоруда көрсөтүлгөн коррупциялык схеманын кесепетинен 12 миллион доллар же 893 миллион сомдук ири өлчөмүндө мамлекетке зыян келтирилген. Аталган факты боюнча азыркы учурда шектүү катары "Манас" эл аралык аэропортунун дирекциясынын мурдагы башчысы Нурсултан Белеков кармалган.

Учурда бул соттук өндүрүш боюнча "Манас" эл аралык аэропортунун директорлор кеңешинин мурдагы төрагасы Албек Ибраимовду, компаниянын мурдагы президенти Эмир Чукуевди жана башка жооптуу кызматкерлерди жоопко тартуу маселеси каралууда", - деп жазылат прокуратуранын маалыматында.

Эске салсак, Албек Ибраимовго карата 2018-жылдын май айында "ишенип берилген мүлктү ыйгарып алуу же жок кылуу" беренеси боюнча кылмыш иши козголуп, бул иш экс-мэрдин "Дастан" ишканасын жетектеп турган мезгилге байланыштуу коррупция үчүн айыпталып, 15 жылга эркинен ажыратылган.

Кийин ал октябрь окуялары учурунда абактан бошотулган. Ал эми Жаза аткаруу мамлекеттик кызматы кайра абакка кайтышын талап кылган болчу. Бирок ал кайтып келбегенине байланыштуу кийин ага карата "Жаза өтөө жайынан качуу" беренесинин негизинде дагы бир иш ачылып, издөө жарыяланган.

Автор: Гүлзина Каныбекова

15:01 05-02-2021

Жазылуу

РУБРИКАДАГЫ СОҢКУ КАБАРЛАР

00:52 2025-06-01 | Коом жана турмуш

Кыргыз спортчулары кураш боюнча Дүйнө чемпиондугунда 10 медаль жеңди 247 0

00:43 2025-06-01 | Коом жана турмуш

Садыр Жапаров УКМКнын жаңы имаратын ачты (фото, видео) 629 0

19:58 2025-05-31 | Коом жана турмуш

Бишкекте милиция кызматкери кармалды 1985 0

19:18 2025-05-31 | Бизнес-Инфо

Bakai Bank Ош облусундагы атайын адистештирилген балдар бакчасын жана айыл тургундарын таза суу менен камсыздады 307 0

17:55 2025-05-31 | Коом жана турмуш

Эверестти багындырган Рысгүл Акимжанова мекенине кайтып келди (фото, видео) 1420 0

17:17 2025-05-31 | Түркүн дүйнө

Трамп Орусияга каршы жаңы санкциялар боюнча чечим кабыл ала электигин билдирди 1185 0

Архив

Комментарийлер (8)

al-abu-kinesz

2021-02-05 15:12:06

ашанын убагында иштеген бардык аткаминерлерди чукуса Кыргызстан карыздан эле кутулбай экинчи Швейцария боло турган экенбиз.

Aky12

2021-02-05 15:31:18

Арам акчалар тешип чыксын, ушулардын балдары кантип элдин бетин карайт болду экен.Атасы элдин акчасын уурдап багып жатканын билишет да

Urmat78

2021-02-05 15:53:41

Аэропорттон эле ушунча болсо мэр болуп турганда канча миллиардтын башын жеди экен.Атына заты жарашкан экен да ал дагы бек кат дегендей

algakaray

2021-02-05 16:11:34

Бул бир эле чети болсо кк. Жаап жашырып, соодалашпай текшерсе дагы коп болсо кк.

Jelezo

2021-02-05 16:17:45

Ар биринен 100млн.доллардан өндүрүп койо бергиле эгер макул болушса ага көнбөсө мүлктөрүн мамлекетке өткөрүп аукцион аркылуу сатып карызды төлөө керек.

Asmat84

2021-02-05 16:19:20

Ушундай кылмышкерлерди качырып жиберген жооптуу кызматкерлерди жоопко тартуу керек

assanov97

2021-02-05 16:23:16

Сапарды да камаш керек

Bolotbek9191

2021-02-05 17:18:27

Ал озу жок

Комментарий калтыруу үчүн өз ысымыңыз менен кириңиз же каттоодон өтүңүз.