"Дарыланайын, эс алайын деп өз каалоом менен кызматтан кеттим" дейт Балбак Түлөбаев

Бишкек шаарынын мэринин милдетин аткаруучу кызматынан кеткен Балбак Түлөбаев бүгүн, 9-февралда маалымат жыйын берүүдө. Анда ал кызматтан өз каалоосу менен кеткенин айтып, буларга токтолду.

"Муну чапты, муну алып келди, муну кетирип жатат, кокуй эле, кокуй дебегиле. Андай жок, мен өзүм кеттим. Ажобуз иштей бербейсиңби деп айтты. Мен шаардыктарга сөз бергем, кетем дедим. 3 жыл тынбай, күнү-түнү дебей иштедик. Мен ооруп жатам, оорусам да иштеп жүрөм. Мен азыр ооруканага жатып, дарыланышым керек. Эс алып алайын деп жатам. Бардык эле муниципалдык кызматкерлер ушундай кылат. Баарыңарга айтайын, мен адаммын, өзүм чечим кабыл алдым, эч кимдин күнөөсү жок.

Сөз берип алып эле кете берет экенсиңер деп айтышыңар мүмкүн, шарттар бар. Негизгиси долбоорлор бар, ошолор аткарылат деп ойлойм", - деди Түлөбаев.

Автор: Бактыгүл Момбекова