"Дордой" базарында контейнерден 20 миң доллар жана телефон уурдагандар кармалды

Борбор калаада ири суммадагы акча жана телефон уурдаган деп шектелгендер кармалды. Бул тууралуу Бишкек ШИИББинин басма сөз кызматы билдирди.

Маалыматка ылайык, 29-декабрда Э.И. аттуу жаран "Дордой" базарында белгисиз адамдар анын 20 миң долларын жана документтерин уурдап кетишкендиги боюнча арыз менен милицияга кайрылган.

Мындан тышкары, 24-декабрда К.А. аттуу жаран ушул эле базардан 14 миң сомдук Redmi үлгүсүндөгү уюлдук телефонун уурдап кеткендиги тууралуу милицияга билдирген.

Фактылар Кылмыш жаза кодексинин 200-беренеси "Уурулук" боюнча катталган.

Кийинчерээк, кылмышка шектүүлөр шаардын аймагынан кармалган. Алар 1985-жылы туулган И.А., жана 1997-жылы туулган А.Ж аттуу жарандар болгон.

Учурда шектүүлөрдүн башка кылмыштарды жасоого катыштыгы бар экендигин аныктоо иштери уланууда.

Автор: Гүлшат Ысамамат кызы