Коронавирус менен ооругандардын саны январь айында декабрга салыштырмалуу 3,9 эсеге төмөндөдү. Бул тууралуу Улуттук статистикалык комитеттен билдиришти.
Саламаттыкты сактоо министрлигинин маалыматтары боюнча, январда жалпы республика боюнча коронавирус инфекциясы 3 миңге жакын адамдан лабораториялык жана клиникалык-эпидемиологиялык жактан тастыкталган. Январда өткөн жылдын декабрына салыштырмалуу калктын 100 миңине алганда коронавирус инфекциясы менен оорулардын саны 3,9 эсеге төмөндөдү.
Жалпы 85 миң 885 адамдан коронавирус илдети аныкталган.