"Атаандашым чыныгы мырза экенин көрсөттү". Чечен мушкери калыстар татыксыз ыйгарган жеңиштен баш тартып, кыргыз атаандашына жол бошотту (видео)

Чеченстанда өткөн эрежесиз уруш мелдешинде кыргыз мушкери Адилет Нурматов менен жергиликтүү мушкер Шадид Абдурахманов менен кез келди.

Беттештин басымдуу бөлүгү кыргыз мушкеринин үстөмдүгү менен өтүп, бир топ ыкмаларды, соккуларды ишке ашырууга үлгүрдү. Жадакалса беттештин комментаторлору да калыстардын чечимин күтпөстөн Нурматовдун жеңүүчү болгонун белгилеп жатышты. Бирок беттештин калыстары жеңишти чечен мушкерине ыйгарып, алып баруучу Абдурахмановдун атын атады. Бул арада калыс Адилет Нурматовдун колун көтөрүүгө жетишти.

Шадид Абдурахманов өз кезегинде жеңиштен баш тартарын, татыктуу жеңишке кыргыз мушкери жеткендигин ишарат аркылуу калыстарга билдирди. Жыйынтыгында калыстар өз чечимин өзгөртүп, жеңишти кыргыз мушкерине ыйгарышты.

Мушкер Адилет Нурматов SUPER.KG порталына беттештен кийинки сезимдери менен бөлүштү. Анын айтымында атаандашы чыныгы мырза экенин көрсөттү.

"Мелдеш 20-февраль күнү Грозный шаарында өттү. Кыргыз өлкөсүнөн 4-5 мушкер катышып, тилекке каршы экөөбүз гана жеңишке жетиштип калдык. Чейрек финал качан өтөрү азырынча белгисиз.

Калыстар жеңишти атаандашыма ыйгарып, кийин чечимин өзгөртүштү. Буга атаандашымдын да чоң салымы болду. Ал чыныгы мырза экенин көрсөттү. Мен да анын ордунда болсом ушундай кадам жасамакмын, анткени татыксыз жеңиш бир эле спортчуну эмес, анын улутун, мамлекетин уят кылат.

Беттештен кийин каршылашымдан барып кечирим сурадым. "Бул спорт, бирде сен, бирде мен жеңем" деп анын көңүлүн жубатууга аракет кылдым. Ал дагы мени куттуктап, ийгилик каалады.

Менин оюмча калыстар өз мушкери жеңишке жетет деп ишенишкен. Ошондуктан алдын ала жергиликтүү спортчуну жеңүүчү деп тыянак чыгарып коюшса керек деп болгоолоп жатам. Бирок чындыгында кандай болгонун билбейм. Эмнеси болсо да баары өз ордуна келди. Буйруса чейрек финалга жакшылап даярданып, жеңиш менен кайтууга болгон күчүмдү жумшайм.

Мени колдогон, мага ишенгендердин баарына ыраазычылык билдирем. Жакындарыма, досторума экинчи атам болуп калган машыктыруучума рахмат айтам. Буюрса, алдыда дагы көп жеңиштер болот", - деди Нурматов.

Чечен мушкери калыстар татыксыз ыйгарган жеңиштен баш тартып, кыргыз атаандашына жол бошотту

Кримтөбөл Камчы Көлбаевдин камакта калуу мөөнөтү узартылды

Автор: Бекболот Сарыбаев

12:59 24-02-2021

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 529 0

17:26 2025-05-07 | Саясат

Садыр Жапаров Москвадагы Жеңиш парадына катышат 756 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 919 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 913 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1176 0

15:40 2025-05-07 | Коом жана турмуш

Бишкекте бир катар автобустардын каттамы өзгөрөт (тизме) 530 0

Архив

Комментарийлер (10)

Gulina90

2021-02-24 11:15:02

Чечен жигит чесный болуптур,жениш Кут болсун.

+27

aslan_akjol89

2021-02-24 11:49:41

Женилгенди билген да эн чон адамдык сапатка кирет.Молодец Шадид,эркек!

+24

chyi-talaa

2021-02-24 11:59:36

Вот это дастойный мужик.молодцы бойцы

+16

AdylbekB84

2021-02-24 12:05:51

Чечен жигит эркектик кылганы үчүн даражасын Аллахым мынданда бийик кылат!

+19

Jelezo

2021-02-24 12:10:54

Чечедердин жигитигин жаш кезде армияда жүрүп өз көзүм менен көрдүм,16 чечендин ичинен бирөөсү менен урушуп калдым аягында мен жеңишке жеттим мени эми сабашат десем алар өз тилинде чечен жигитти тилдеп кетип калышкан.Биз кыргыздар бирөөбүзгө башка улут тийишсе көптөп сабап салчуу элек.

+14

Bikosh2015

2021-02-24 12:28:59

Накта эркек экен чечен жигит. Ушул жигиттен сабак алалы.

+14

zhaynak

2021-02-24 12:52:48

Кыргызстанга чакырым сый корсото турган иш жасаптыр демек. Мумкунчулугум болгондо ошондой кылмакмын. Жол киресине кичине акча жетпей калат да тан гору

+19

Haanykeim

2021-02-24 14:52:24

Жеңиш кут болсун!

Nursul

2021-02-24 21:53:08

Молодец жигит экен. Спортчу ушундай болушу керек

MIRBOLOT

2021-02-25 13:23:54

Чечен эли бизге окшош тоолук эл. Бизге окшоп уруу-уруу болуп жашашат. Ошондой эле намыстуу эл. Намыс баарынан жогору турат. Кыргыз мушкери татыктуу болгон учун озунун намысынан да эли, олкосунун намысын жогору коюп, туура чечимге келди. Бул озун сыйлагандык, элин сыйлагандык жана спортту сыйлагандык болуп саналат.

Комментарий калтыруу үчүн өз ысымыңыз менен кириңиз же каттоодон өтүңүз.