Президент Садыр Жапаров Москвада белгисиз жоокердин мүрзөсүнө гүлчамбар койду

Президент Садыр Жапаров Москвада белгисиз жоокердин мүрзөсүнө гүлчамбар койду. Бул тууралуу президенттик аппараттын басма сөз кызматынан билдиришти.

Маалыматка ылайык, президент Садыр Жапаров бүгүн, 25-февралда Орусия Федерациясына болгон эки күндүк иш сапарын жыйынтыктап, гүлчамбар койгон.

Садыр Жапаров Улуу Ата Мекендик согушта курман болгондорго 1 мүнөт эскерүү менен таазим кылды, андан соң оркестр Кыргыз республикасынын гимнин жаңыртты.

Кыргыз Республикасынын расмий делегациясынын мүчөлөрү да белгисиз жоокердин мүрзөсүнө гүл коюшту.

Автор: Айсалкын Качкынбекова