Биргеликте көркөм тасма тартуу, "Сармерден" долбоорун уюштурууну талкуулашты. Маданият министри казакстандык кесиптеши менен жолугушту

Кыргыз өлкөсү менен Казакстандын маданият министрлери бир катар долбоорлорду карап чыгып, макулдашууларга кол коюшту. Бул тууралуу Маданият, маалымат, спорт жана жаштар саясаты министрлигинин басма сөз кызматынан кабарлашты.

Маалым болгондой, 10-мартта министр Кайрат Иманалиев Казакстандын маданият жана спорт министри Актоты Раимкулова менен жолугушту. Анда Кыргыз-Казак мамилелери, маданий гуманитардык жана спорт тармагы боюнча кызматташуу тууралуу сүйлөшүүлөр жүрдү.

"Талкуунун жүрүшүндө биргелешкен көркөм тасма тартуу, театр гастролдорун өткөрүү, маданият форумдарын уюштуруу, эки мамлекеттин маданият күндөрүн, эки тараптуу “Сармерден” долбоорун ишке ашыруу жана башка маселелер да каралды".

Сүйлөшүүнүн жүрүшүндө Кайрат Иманалиев кесиптештерине кызматташуунун бардык деңгээлинде иш алып барууга кызыкдар экендигин кошумчалап, меймандарга чыгармачылык ийгилик каалады.

Ал эми коңшу өлкөнүн министри Актоты Раимкулова маданий жана спорт багыты боюнча кызматташууга даяр экендигин жана биргелешкен долбоорлорду ишке ашырууга кызыкдар экендигин белгилеп, ыраазычылык билдирди.

Буга чейин тараптар улуттук спорттун түрлөрүн жана элдик оюндарды өнүктүрүү жөнүндө макулдашууга Нур-Султан шаарында кол коюшуп, бир катар маданий иш-чараларды биргеликте өткөрүүгө макулдашкан.

Автор: Бактыгүл Момбекова

05:05 11-03-2021

Жазылуу

РУБРИКАДАГЫ СОҢКУ КАБАРЛАР

22:58 2026-09-27 | Спорт

Казакстан фехтование боюнча Азия оюндарында чемпион болду 333 0

17:12 2026-09-27 | Түркүн дүйнө

Түштүк Африкада куралчандардын кол салуулары адам өлүмдөрү менен коштолду 789 0

16:10 2026-09-27 | Түркүн дүйнө

Токаев жаңы коргоо министрине аскердик коопсуздук боюнча тапшырмаларды берди 1051 0

15:56 2026-09-27 | Спорт

Кыргыз балбаны Орусияда кооз күрөш көрсөттү (видео) 1865 0

14:59 2026-09-27 | Түркүн дүйнө

Казакстанда машыгууда аман калган үч жоокерге да медаль ыйгарылды 1437 0

14:51 2026-09-27 | Түркүн дүйнө

Казакстанда машыгууда каза тапкан жоокерлерге сыйлыктар берилди 1222 0

Архив

Комментарийлер (1)

Mirlan27011987

2021-03-11 06:37:39

Билим берүү, саламаттыкты сактоодон тышкары, маданиятты унутпашыбыз керек, антпесе бизде бир дагы тармакта натыйжа болбойт. Маданият - тынчтыкта жанаша жашоо үчүн негиз болуп берет. Маданият сабырдуулукка жана түшүнүүчүлүккө үйрөтөт. Ансыз адамзат болбойт. Маданият дагы жашоо сапаты жөнүндө сөз кылат. Бул адамдардын ортосунда ишеним жана тилектештик сезимин жаратат. Ал адамдарга ырахат жана бакыт тартуулайт.

Комментарий калтыруу үчүн өз ысымыңыз менен кириңиз же каттоодон өтүңүз.